వరంగల్ శ్రీను కి హామీ ఇచ్చిన కొరటాల శివ
Acharya Movie: మెగాస్టార్ చిరంజీవి హీరోగా నటించిన ఆచార్య సినిమా భారీ అంచనాల మధ్య ఏప్రిల్ 29న థియేటర్లలో విడుదలైంది.
వరంగల్ శ్రీను కి హామీ ఇచ్చిన కొరటాల శివ
Acharya Movie: మెగాస్టార్ చిరంజీవి హీరోగా నటించిన ఆచార్య సినిమా భారీ అంచనాల మధ్య ఏప్రిల్ 29న థియేటర్లలో విడుదలైంది. స్టార్ డైరెక్టర్ కొరటాల శివ ఈ సినిమాకి దర్శకత్వం వహించారు. మొట్టమొదటిసారిగా మెగాపవర్ స్టార్ రామ్ చరణ్ ఈ సినిమాలో కీలక పాత్రలో కనిపించి చిరంజీవితో స్క్రీన్ షేర్ చేసుకున్నారు. మెగా అభిమానులు ఈ సినిమా కోసం చాలా ఆసక్తిగా ఎదురు చూశారు. ఎన్నో అంచనాల మధ్య విడుదలైనప్పటికీ ఈ సినిమా మాత్రం బాక్సాఫీస్ వద్ద డిజాస్టర్గా నిలిచింది. మొదటి రోజు నుంచే ఈ సినిమా కలెక్షన్లు అంతంత మాత్రంగానే ఉన్నాయి.
చిత్ర ప్రీ రిలీజ్ బిజినెస్ బాగానే జరిగింది కానీ చూస్తూ ఉంటే సినిమా కలెక్షన్లు కనీసం బ్రేక్ ఈవెన్ పాయింట్ ను కూడా చేరుకునేలా గా కనిపించడం లేదు. ప్రముఖ డిస్ట్రిబ్యూటర్ వరంగల్ శ్రీను ఈ సినిమాని నైజాం ప్రాంతంలో డిస్ట్రిబ్యూట్ చేశారు. నిజానికి నైజాం ఏరియా లో సినిమా డిస్ట్రిబ్యూషన్ రైట్స్ కోసం వరంగల్ శీను నిర్మాతలకు భారీ మొత్తాన్ని చెల్లించారు. కానీ సినిమా ఇప్పుడు డిజాస్టర్గా నిలవడంతో వరంగల్ శీను కి భారీ నష్టం కలిగింది. ఈ నేపథ్యంలో చిత్ర డైరెక్టర్ కొరటాల శివ ముందుకు వచ్చి వరంగల్ శ్రీను ని కంగారు పడవద్దని తన తదుపరి సినిమా డిస్ట్రిబ్యూషన్ రైట్స్ తో కొంత పరిహారం చెల్లిస్తానని చెప్పడంతో వరంగల్ శీను మళ్ళీ ఊపిరిపీల్చుకున్నారట.