Katrina Kaif: డిసెంబర్ మొదటి వారంలో కత్రినా, విక్కీ కౌశల్ వివాహం

Katrina Kaif Marriage: బాలీవుడ్ టాప్ హీరోయిన్ కత్రినా కైఫ్‌ పెళ్లి పనులు చకచక జరిగిపోతున్నాయి. డిసెంబర్‌ మొదటి వారంలో ఈ మగువ హీరో విక్కీ కౌశల్‌‌ను మనువాడనుంది. రాజస్థాన్‌లోని ఓ విలాసవంతమైన ప్యాలెస్‌లో మ్యారేజ్‌కు ఏర్పాట్లు జరుగుతున్నాయి.

డిసెంబర్‌ 7 నుంచి 9 వరకు జరగనున్న ఈ వివాహ వేడుకలకు కేవలం 100 మంది అతిథులు మాత్రమే ఉండేలా ప్లాన్ చేసుకుంటున్నారు. ఇరు కుటుంబాల సభ్యులు, అత్యంత సన్నిహితులకు మాత్రమే ఆహ్హానం అందినట్లు తెలుస్తోంది. కాగా ఈ జంట అభిమానులను ఓ రిక్వెస్ట్ చేసింది. తమ పెళ్లి ఫోటోలు, వీడియోలు బయటకు లీక్‌ కావడం ఇష్టం లేదని వేడుకలకు వచ్చే అతిధులెవ్వరూ ఫోన్లు తీసుకురావొద్దని కోరారట.

అయితే బాలీవుడ్ నుంచి రణవీర్- దీపికా, అనుష్కా శర్మ, అమితాబ్ బచ్చన్, అక్షయ్ కుమార్, రోహిత్ శెట్టి లాంటి అతికొద్ది ప్రముఖలకు మాత్రమే ఇన్విటేషన్స్ అందాయట. ఇక తమ రిలేషన్‌షిప్‌ విషయంలో మొదటి నుంచి గోప్యత వహించిన కత్రినా, బాలీవుడ్ మీడియాకు విషయం తెలిసిపోవటంతో కాస్త ఇబ్బంది పడింది‌.