RRR Movie: జపాన్‌లో ట్రిపుల్ ఆర్ సందడి

RRR Movie: ప్రముఖ దర్శకుడు రాజమౌళి తెరకెక్కించిన సెన్సేషనల్ బ్లాక్ బస్టర్ హిట్ RRR సినిమా అద్భుతాలను సృష్టించింది. విడుదలైన ప్రతి భాషలో కూడా కాసుల వర్షం కురిపించి 1200 కోట్ల రూపాయిల గ్రాస్ వసూళ్లను రాబట్టింది. థియేట్రికల్ పరంగా సంచలన విజయం సాధించిన ఈ సినిమా గ్లోబల్ వైడ్ అదే రేంజ్ రీచ్ కావడంతో చైనా, జపాన్ వంటి బాషలలో డబ్ చేసి విడుదల చేస్తున్నారు. ఈ సినిమా ఇవాళ జపాన్‌లో విడుదల కాబోతోంది. ఈసందర్భంగా RRR మూవీ టీం ప్రొమోషన్స్ కోసం జపాన్‎కి వెళ్లారు. అక్కడ మీడియాతో ఇంటరాక్ట్ అయ్యారు. అయితే జపాన్‌లో ఎన్టీఆర్, రామ్ చరణ్‎కి విపరీతమైన క్రేజ్ పెరిగింది. గతంలో మగధీర సినిమా జపాన్‎లో ప్రభంజనం సృష్టించింది. ఈ సినిమాతో రామ్‎చరణ్‎ క్రేజ్ మరింత పెరగనుంది.