logo
సినిమా

Liger Movie Update: 'లైగర్' కోసం హాలీవుడ్ స్టంట్ కొరియోగ్రాఫర్

Hollywood Stunt Director Andy Long Joins Liger Sets
X

Liger Movie Update:(Photo Twitter)

Highlights

Liger Movie Update: కొన్ని యాక్షన్ సీక్వెన్సెస్ డిజైన్ చేయడానికి ఆండీ లాంగ్ లైగర్ కోసం పనిచేస్తున్నారు.

Liger Movie Update: డాషింగ్ డైరెక్ట‌ర్ పూరీ జ‌గ‌న్నాథ్, యూత్‌లో క్రేజీ స్టార్ ఇమేజ్‌ను సంపాదించుకున్న విజ‌య్ దేవ‌ర‌కొండ‌ కాంబినేష‌న్‌లో రూపొందుతోన్న చిత్రం `లైగ‌ర్‌`. ప్యాన్ ఇండియా చిత్రంగా తెర‌కెక్కుతోన్న ఈ సినిమాతో బాలీవుడ్ బ్యూటీ అనన్య పాండే టాలీవుడ్‏కు హీరోయిన్‏గా పరిచయం కాబోతుంది. మార్షల్ ఆర్ట్స్ నేపథ్యంలో తెరకెక్కుతున్న ఈ సినిమా కోసం విజయ్ మార్షల్ ఆర్ట్స్‏లో శిక్షణ కూడా తీసుకున్నట్లుగా సమాచారం. ఈ సినిమాను పూర్తిగా హై వోల్టేజ్ యాక్షన్ ఎంటర్‏టైనర్‏గా తెరకెక్కించేందుకు పూరీ భారీగానే ప్లాన్ చేస్తున్నాడట. ఇందుకోసం ఈ సినిమాలోని కొన్ని యాక్షన్ సీక్వెన్సెస్ డిజైన్ చేయడానికి ప్రముఖ హాలీవుడ్ యాక్షన్ స్టంట్ కొరియోగ్రాఫర్ ఆండీ లాంగ్ లైగర్ కోసం పనిచేస్తున్నారు. ఈ విషయాన్ని అఫీషియల్‏గా ప్రకటించంది చిత్రయూనిట్. ఆండీ లాంగ్ జాకీచాన్ సినిమాలతోపాటు పలు హాలీవుడ్ చిత్రాలకు కూడా వర్క్ చేశాడు. ఇప్పటికే ఆండీ తన యూనిట్‏తో కలిసి స్పెషల్‏గా కొన్ని యాక్షన్ సీన్స్ రెడీ చేస్తున్నట్లుగా టాక్.

ఈ చిత్రాన్ని పూరీ కనెక్ట్స్, ధర్మ ప్రొడక్షన్ బ్యానర్స్ పై పూరీ జగన్నాథ్, చార్మీ, కరణ్ జోహర్ సంయుక్తంగా నిర్మిస్తున్నారు. ఇందులో సీనియర్ హీరోయిన్ రమ్యకృష్ణ కీలక పాత్రలో నటిస్తున్నారు. పాన్ ఇండియా స్థాయిలో ఈ చిత్రాన్ని తెలుగు, హిందీ, మలయాళ, తమిళ, కన్నడ భాషల్లో సెప్టెంబర్ 9న విడుదల చేయనున్నట్లు ఇప్పటికే ప్రకటించింది చిత్రయూనిట్. ప్రస్తుతం ఈ మూవీ షూటింగ్ ముంబైలో జరుగుతుంది. ఇస్మార్ట్ శంక‌ర్ వంటి బ్లాక్ బస్ట‌ర్ తర్వాత పూరీ జ‌గ‌న్నాథ్ తెర‌కెక్కిస్తోన్న చిత్రం కావ‌డంతో సినిమాపై భారీ అంచ‌నాలు నెల‌కొన్నాయి. ల‌య‌న్‌, టైగ‌ర్ క్రాస్ బ్రీడ్ `లైగ‌ర్‌`. కాబ‌ట్టి అలాంటి ఓ ప‌వ‌ర్‌ఫుల్ టైటిల్‌ను పెట్టిన పూరీ జ‌గ‌న్నాథ్ `సాలా క్రాస్ బ్రీడ్‌` అనే క్యాప్ష‌న్‌ను కూడా పెట్టుకున్నారు.

Web TitleHollywood Stunt Director Andy Long Joins ''Liger'' Sets
Next Story