logo

దిల్ రాజు ను నిలదీసిన మహేష్

దిల్ రాజు ను నిలదీసిన మహేష్
Highlights

మహేష్ బాబు కెరీర్లో 25వ చిత్రంగా వంశీ పైడిపల్లి దర్శకత్వంలో తెరకెక్కనున్న సినిమా 'మహర్షి'. పూజా హెగ్డే ఈ...

మహేష్ బాబు కెరీర్లో 25వ చిత్రంగా వంశీ పైడిపల్లి దర్శకత్వంలో తెరకెక్కనున్న సినిమా 'మహర్షి'. పూజా హెగ్డే ఈ సినిమాలో హీరోయిన్ గా నటిస్తుంది. ఈ సినిమా ఏప్రిల్ 25 వ తారీఖున విడుదల కావాల్సి ఉంది. కానీ గత కొంతకాలంగా ఈ సినిమా విడుదల వాయిదా పడిందని ఫిలింనగర్ లో వార్తలు గుప్పుమంటున్నాయి. మహేష్ బాబు సమ్మర్ సీజన్ ను మిస్ చేసుకుంటున్నాడు అంటూ పుకార్లు బయటకు వచ్చాయి. ఈ నేపథ్యంలో మహేష్ బాబు దిల్ రాజు ను నిలదీశాడట.

అసలు తనకు తెలియకుండా ఇలాంటి వార్తలు ఎవరు లీక్ చేస్తున్నారు అని మహేష్ గట్టిగా అడిగాడట. నిజానికి ఎంత కష్టమైనప్పటికీ ఏప్రిల్ 25 వ తారీకు సినిమా విడుదల చేయాలని మహేష్ అనుకుంటున్నాడు. గతంలో ఏప్రిల్ లో విడుదలైన తన సినిమాలు సూపర్ హిట్ అవ్వడంతో మళ్లీ ఏప్రిల్ సెంటిమెంట్ ఈ సినిమాకు కూడా వర్తించాలని ప్లాన్ చేస్తున్నాడు. కాబట్టి ఈ సినిమా వాయిదా పడటంతో మహేష్ మాత్రమే కాక ఫ్యాన్స్ కూడా నిరాశ చెందుతున్నారు. మరోవైపు షూటింగ్తో పాటు డబ్బింగ్ పనులు కూడా ఒకేసారి జరుగుతున్నాయి. మరి ఈ సినిమా విడుదల గురించి అధికారిక ప్రకటన ఎప్పుడు వస్తుందో చూడాలి.


లైవ్ టీవి


Share it
Top