నిర్మాత బన్ని వాసును పరామర్శించిన అల్లు అర్జున్!

హీరో అల్లు అర్జున్.. నిర్మాత బన్నీ వాసును ‌పరామర్శించారు. ఇటీవల వాసు సోదరుడు గవర సురేష్ మృతి చెందాడు. ఇవాళ బన్నీ వాసు స్వగ్రామమైన పశ్చిమ గోదావరి జిల్లా పాలకోల్లులోని ఆయన ఇంటికి అల్లు అర్జున్‌, శిరీష్‌, డైరెక్టర్‌ సుకుమార్‌ వెళ్లారు. నిర్మాత బన్ని వాసును, ఆయన కటుంబసభ్యులను పరామర్శించారు. వాసు సోదరుని మృతి పట్ల సంతాపం తెలిపారు.

గవర సురేష్ కిడ్నీలు ఫెయిల్ అవ్వడంతో బెంగుళూరులోని ఓ ప్రైవేట్ ఆసుపత్రిలో చికిత్స పొందుతో శుక్రవారం రాత్రి మృతి చెందాడు. పశ్చిమ గోదావరి జిల్లా గవర సూర్యనారాయణకు ఇద్దరు కుమారులు కాగా అందులో సురేష్ పెద్దవాడు.. సురేష్ ఇంజనీరింగ్ చదవగా, ఆటో మొబైల్ ఇండస్ట్రీలో రాణిస్తున్నాడు. ఇక సురేష్ కి భార్య, కుమారుడు ఉన్నారు. సురేష్ అకాల మరణం ఆ కుటుంబాన్ని తీవ్ర విషాదంలోకి నెట్టివేసింది. ఇక మరోవైపు బన్నీవాసు తెలుగులో ఎన్నో విజయవంతమైన చిత్రాలు నిర్మిస్తూ నిర్మాతగా కొనసాగుతున్నారు.