ప‌వ‌న్ క‌ళ్యాణ్ అభిమానుల‌కు బ్యాడ్ న్యూస్

Hari Hara Veera Mallu: ఈ మధ్యనే "వకీల్ సాబ్" సినిమాతో సినిమాల్లోకి రీ ఎంట్రీ ఇచ్చిన పవర్ స్టార్ పవన్ కళ్యాణ్ ఈ సినిమాతో మరో బ్లాక్ బస్టర్ ను తన ఖాతాలో వేసుకున్నారు. ఇక తాజాగా పవన్ కళ్యాణ్ క్రిష్ డైరెక్షన్లో "హరి హర వీర మల్లు" సినిమాతో బిజీగా ఉన్నారు. తాజాగా విడుదలైన ఈ సినిమా మేకింగ్ వీడియో సోషల్ మీడియాలో వైరల్ గా మారింది.

సినిమా కోసం చిత్రబృందం ముఖ్యంగా పవన్ కళ్యాణ్ ఎంతో కష్టపడుతున్నారు అని ఆ వీడియో చూస్తే అర్థమవుతుంది. ఇక పవన్ కళ్యాణ్ సినిమాలో తన పాత్ర కోసం కత్తి యుద్ధం లో ట్రైనింగ్ కూడా తీసుకుంటున్నారు. ఇక విడుదల విషయానికి వస్తే ఈ సినిమాని ముందుగా దసరా సందర్భంగా విడుదల చేయాలని అనుకున్నారు. కానీ తాజా సమాచారం ప్రకారం దర్శకనిర్మాతలు ఇప్పుడు ఈ సినిమాని వచ్చే ఏడాది సంక్రాంతికి విడుదల చేయాలని ప్లాన్ చేస్తున్నట్లు తెలుస్తోంది.

అసలే ఈ సినిమా పై భారీ అంచనాలు ఉండటంతో అవుట్పుట్ విషయంలో కాంప్రమైజ్ అవకుండా సినిమాని బాగా తీర్చిదిద్దాలని క్రిష్ ఈ నిర్ణయం తీసుకున్నట్లు తెలుస్తోంది. ఇక ఈ సినిమా పోస్ట్ ప్రొడక్షన్ పనులకు కూడా బాగానే సమయం దొరుకుతుంది. ప్రముఖ బాలీవుడ్ యాక్షన్ డైరెక్టర్ శ్యామ్ కౌశల్ ఈ సినిమాలో కొన్ని యాక్షన్ సన్నివేశాలను చిత్రీకరించారు.