Agent Movie: "ఏజెంట్" సినిమా సన్నివేశాలను రీషూట్ చేస్తున్న డైరెక్టర్

Director Surender Reddy is reshooting the Agent Movie Scenes | Tollywood News
x

"ఏజెంట్" సినిమా సన్నివేశాలను రీషూట్ చేస్తున్న డైరెక్టర్

Highlights

Agent Movie: "ఏజెంట్" నటీనటులను మారుస్తున్న దర్శకనిర్మాతలు

Agent Movie: హీరోగా మారినప్పటినుంచి వరుస ప్లాపులతో సతమతమైన అక్కినేని యువ హీరో అఖిల్ అక్కినేని ఈ మధ్యనే విడుదలైన "మోస్ట్ ఎలిజిబుల్ బ్యాచిలర్" సినిమాతో కమర్షియల్ గా పర్వాలేదనిపించాడు. తాజాగా తన ఆశలన్ని తన తదుపరి సినిమా "ఏజెంట్" పైన పెట్టుకున్నాడు. "సైరా" ఫేమ్ డైరెక్టర్ సురేందర్ రెడ్డి ఈ సినిమాకి దర్శకత్వం వహిస్తున్నారు. ఇప్పటికే కరోనా కారణంగా సినిమా షూటింగ్ చాలా సార్లు వాయిదా పడింది. ఈ నేపథ్యంలోనే దర్శక నిర్మాతలు స్క్రిప్ట్ విషయంలో మరిన్ని జాగ్రత్తలు తీసుకుంటున్నారట.

తాజా సమాచారం ప్రకారం ఈ సినిమాలోని కొన్ని సన్నివేశాలు అంతగా నచ్చకపోవడంతో ఆ సన్నివేశాలను మళ్లీ రీషూట్ చేయాలని నిర్ణయించుకున్నారట. అంతేకాకుండా డైరెక్టర్ సురేందర్ రెడ్డి సినిమా స్క్రిప్ట్ లో కొన్ని మార్పులు చేర్పులు చేస్తున్నట్లు వార్తలు వినిపిస్తున్నాయి. అంతేకాకుండా ఈ సినిమాలో విలన్ పాత్ర కోసం మరొక నటుడిని రంగంలోకి దింపాలని సన్నాహాలు చేస్తున్నారట. మలయాళం సూపర్ స్టార్ మమ్ముట్టి ఈ సినిమాలో ముఖ్య పాత్ర పోషిస్తున్నారు. ఏకే ఎంటర్టైన్మెంట్ వారు ఈ సినిమాని నిర్మిస్తున్నారు. ఈ సినిమాలో అఖిల్ సరికొత్త లుక్తో కనిపించనున్నారని పోస్టర్లు చూస్తేనే తెలుస్తోంది.

Show Full Article
Print Article
Next Story
More Stories