Ram Charan New Movie 2021: రామ్‌ చరణ్‌ తో తమిళ స్టార్ డైరెక్టర్?

Ram Charan New Movie: మెగా పవర్‌ స్టార్ రామ్ చరణ్ తేజ్ మరో సినిమాను లైన్‌ లో పెట్టేందుకు సిద్ధమయ్యాడంట. ఓ తమిళ డైరెక్టర్‌తో ఈ మేరకు చర్చలు చేస్తున్నట్లు తెలుస్తోంది. తమిళ్ ఇండస్ట్రీలో తనకంటూ పేరు సంపాదించుకుని, వరుస విజయాలతో దూసుకపోతున్న డైరెక్టర్ లోకేష్ కనగరాజు. ఈయన కార్తీ హీరోగా 'ఖైదీ' సినిమాతో క్రేజ్ పొందాడు. అలాగే తాజాగా తలపతి విజయ్‌తో మాస్టర్ సినిమాను తెరకెక్కించి బ్లాక్ బస్టర్ హిట్ కొట్టాడు. ఈ రెండు సినిమాలు తమిళంతో పాటు తెలుగులోనూ ఘన విజయం సాధించాయి. కాగా, లోకేష్ కనగరాజుతో పనిచేసేందుకు చాలామంది టాలీవుడ్ స్టార్స్‌ ఎదురుచూస్తున్నారంట.

రామ్‌చరణ్‌తో కనగరాజు ఓ సినిమా చేస్తున్నట్లు వార్తలు వినిపిస్తున్నాయి. ఈ ప్రాజెక్టుపై రామ్‌చరణ్‌ కూడా చాలా ఆసక్తి చూపిస్తున్నట్లు టాక్ వినిపిస్తోంది. వీరి కాంబోలో తెలుగు, తమిళ భాషల్లో సినిమాను తెరకెక్కిస్తారని సినీ వర్గాల్లో వార్తలు వస్తున్నాయి. ఇక ఈ ప్రాజెక్టును ప్రముఖ నిర్మాణ సంస్థ మైత్రీ మూవీ మేకర్స్‌ నిర్మించే అవకాశం ఉందంట. ఈమేరకు డైరెక్టర్‌ కనగరాజుకు రూ.5 కోట్ల రెమ్యునరేషన్ ఇచ్చినట్లు తెలుస్తోంది. కాగా, ఇంతవరకు ఏలాంటి అప్‌డేట్ అయితే వెల్లడించలేదు. త్వరలోనే దీనికి సంబంధించి అధికారిక ప్రకటన రానున్నట్లు తెలుస్తోంది.