'మజిలీ' తమిళ్ రీమేక్ లో హీరో ఇతనేనా ?

పెళ్లికి ముందు మూడు సినిమాల్లో కలిసి నటించిన సమంత, నాగచైతన్య పెళ్లి తర్వాత మొట్టమొదటి సారిగా 'మజిలీ' అనే సినిమాతో ప్రేక్షకుల ముందుకు వచ్చిన సంగతి తెలిసిందే. శివ నిర్వాణ దర్శకత్వంలో ఏప్రిల్ 5న విడుదలైన ఈ చిత్రం ప్రేక్షకుల నుంచి మంచి రెస్పాన్స్ ను అందుకుంటోంది. గత కొంతకాలంగా ఫ్లాపులతో సతమతమవుతున్న నాగచైతన్య కెరీర్లో ఒక మర్చిపోలేని హిట్ అందించింది 'మజిలీ'. అయితే తాజా సమాచారం ప్రకారం ఈ సినిమాని ఇప్పుడు తమిళంలో రీమేక్ చేయడానికి ప్లాన్ చేస్తున్నట్లు తెలుస్తోంది. ఓ అగ్ర నిర్మాణ సంస్థ ఈ సినిమాను తమిళంలో రీమేక్ చేసేందుకు ప్రయత్నిస్తోంది.

అయితే ఈ సినిమాలో ధనుష్ ను హీరోగా తీసుకోవాలని వారు అనుకుంటున్నట్లు తెలుస్తోంది. కానీ ఇదివరకే ఈ కాన్సెప్ట్ తో ధనుష్ 'తంగమగన్ (తెలుగులో 'నవమన్మధుడు')' అనే సినిమా లో నటించాడు. ఈ సినిమాలో ధనుష్ ముందు ఏమీ జాక్సన్ ను ప్రేమించి తర్వాత సమంతను పెళ్లి చేసుకుంటాడు. పెళ్లికి ముందు ఒకరిని ప్రేమించి వేరొకరిని పెళ్లి చేసుకోవడం తప్ప ఈ సినిమాలలో పెద్ద పోలికలు లేకపోయినప్పటికీ ఆల్రెడీ టచ్ చేసిన జోనర్ లో మళ్ళీ ఇంకొక సినిమా ధనుష్ చేస్తాడా లేదా అనేది ఇప్పుడు హాట్ టాపిక్ గా మారింది. మరోవైపు కన్నడలో ఈ సినిమాను గణేష్ రీమేక్ చేయాలని చూస్తున్నట్లు సమాచారం అందుతోంది.