Chiranjeevi: చిరంజీవి-బాబీ సినిమా గురించి ఆసక్తికరమైన అప్డేట్

Chiranjeevi: మెగాస్టార్ చిరంజీవి ప్రస్తుతం "ఆచార్య" సినిమాతో బిజీగా ఉన్న సంగతి తెలిసిందే. ఈ సినిమా వచ్చే ఏడాది విడుదల అవుతోంది. ఈ సినిమా తర్వాత చిరంజీవి కే ఎస్ రవీంద్ర అలియాస్ బాబీ దర్శకత్వంలో ఒక సినిమా చేయడానికి సిద్ధమవుతున్నారు. మెగాస్టార్ కెరీర్ లో 154వ సినిమాగా ప్రేక్షకుల ముందుకు రాబోతున్న ఈ సినిమాకి "వాల్టర్ వీరయ్య" అనే టైటిల్ ని అనుకుంటున్నారు. అయితే తాజాగా ఈ సినిమా గురించి ఓ ఆసక్తికరమైన వార్త ఇప్పుడు సోషల్ మీడియాలో వైరల్ గా మారింది.

తాజా సమాచారం ప్రకారం మెగాస్టార్ చిరంజీవి ఈ సినిమాలో ఒక అండర్ కవర్ పోలీస్ ఆఫీసర్ పాత్రలో కనిపించబోతున్నారట. మొత్తం కథ శ్రీలంక నేపథ్యం తో నడుస్తుందని, మరియు ఈ సినిమాలో చిరంజీవి ఇంతకుముందెన్నడూ కనిపించనటువంటి లుక్కుతో కనిపించబోతున్నట్లు తెలుస్తోంది. దీంతో ఈ సినిమాపై భారీ అంచనాలు నెలకొన్నాయి. పైగా చిరంజీవి ని పోలీస్ ఆఫీసర్ పాత్రలో చూసి చాలా కాలం అయింది. దీంతో ఈ సినిమా ఎలా ఉండబోతుందో అని అభిమానులు ఆసక్తిగా ఎదురుచూస్తున్నారు.