మెగా ఫ్యాన్స్‌కు గుడ్‌న్యూస్‌.. ఆచార్య ట్రైలర్‌ విడుదల తేది ఖరారు..

Acharya Trailer: మెగాస్టార్ చిరంజీవి మరియు మెగా పవర్ స్టార్ రామ్ చరణ్ కలిసి అతి త్వరలోనే "ఆచార్య" అనే సినిమాతో ప్రేక్షకుల ముందుకు రాబోతున్న సంగతి తెలిసిందే. కొరటాల శివ దర్శకత్వం వహిస్తున్న ఈ సినిమాలో కాజల్ అగర్వాల్ మరియు పూజా హెగ్డే లు హీరోయిన్లుగా నటిస్తున్నారు. తాజా సమాచారం ప్రకారం ఈ సినిమా కేవలం తెలుగు భాషలో మాత్రమే కాక హిందీ లో కూడా విడుదల కాబోతున్నట్టు వార్తలు వినిపిస్తున్నాయి. ఈ సినిమా భారీ అంచనాల మధ్య ఏప్రిల్ 29 న విడుదల కాబోతోంది.

ఇక తాజాగా ఈ చిత్ర ప్రమోషన్స్ ను మొదలుపెట్టాలి అని దర్శక నిర్మాతలు ప్లాన్ చేస్తున్నట్లు తెలుస్తోంది. ఈ నేపథ్యంలోనే ఈ సినిమాకి సంబంధించిన థియేట్రికల్ ట్రైలర్ ను ఏప్రిల్ 12 తారీఖున విడుదల చేయనున్నారు దర్శకనిర్మాతలు. ఇదే విషయాన్ని ఒక పోస్టర్ ద్వారా తెలియజేసింది చిత్రబృందం. ఇప్పటికే ఈ సినిమాకు సంబంధించిన పోస్టర్లు, పాటలు ప్రేక్షకుల నుంచి మంచి ఆదరణ అందుకున్నాయి. ఇక ఈ చిత్ర ట్రైలర్ సినిమాపై అంచనాలను మరింతగా పెంచుతుంది అని అభిమానులు అంటున్నారు.