వాయిదాపడిన మహర్షి రిలీజ్

టాలీవుడ్ సూపర్ స్టార్ మహేష్ బాబు ప్రస్తుతం తన తదుపరి సినిమా అయిన 'మహర్షి' పై దృష్టి పెట్టిన సంగతి తెలిసిందే. మహేష్ బాబు కెరీర్ లో 25 వ చిత్రం విడుదల కానున్న ఈ సినిమాకు వంశీ పైడిపల్లి దర్శకత్వం వహిస్తున్నారు. పూజా హెగ్డే ఈ సినిమాలో హీరోయిన్ గా ల్ నటిస్తుండగా అల్లరి నరేష్ ఈ సినిమాలో ముఖ్య పాత్రలో కనిపించనున్నాడు. గత కొంత కాలంగా ఈ సినిమా విడుదల గురించి బోలెడు పుకార్లు బయటకు వచ్చాయి. నిజానికి 'మహర్షి' సినిమా ఏప్రిల్ 25వ తారీకు న విడుదల కావాల్సి ఉంది. కానీ విడుదల తేదీ వాయిదా పడే అవకాశాలు ఉన్నట్లు ఫిలింనగర్ కోడై కూసింది.

వారి అనుమానాలను నిజం చేస్తూ 'మహర్షి' సినిమా ఏప్రిల్ 25 వ తారీకు న విడుదల కాకుండా వాయిదా పడింది. తాజా సమాచారం ప్రకారం 'మహర్షి' సినిమా మే 9 వ తారీకు న విడుదల కానుందని తెలుస్తోంది. ఈ లోపల దర్శకనిర్మాతలు షూటింగ్ మరియు నిర్మాణాంతర పనులు పూర్తి చేయాల్సి ఉంది. మహేష్ బాబు ఈ సినిమాలో మూడు అవతారాల్లో కనిపించనున్నాడని తెలిసిన విషయమే. దిల్ రాజు, అశ్వినీదత్ మరియు పివిపి సంయుక్తంగా ఈ సినిమాను నిర్మిస్తున్నారు. దేవిశ్రీ ప్రసాద్ ఈ సినిమాకు సంగీతాన్ని అందిస్తున్నారు.