కష్టాల్లో పడిన స్టార్ డైరెక్టర్ ?

ఒక్క ఫ్లాప్ సినిమా దర్శకుడి కెరియర్ను మార్చేస్తుంది అనడంలో బోయపాటి శ్రీను ని ఉదాహరణగా చెప్పుకోవచ్చు. ఈ మధ్యనే బోయపాటి శ్రీను దర్శకత్వంలో విడుదలైన 'వినయ విధేయ రామ' సినిమా సంక్రాంతి కానుకగా విడుదలైంది. ఎన్ని అంచనాల మధ్య విడుదలైనప్పటికీ ఈ సినిమా బాక్సాఫీస్ వద్ద డిజాస్టర్ గా మారింది. సినిమా ఫ్లాప్ అవడానికి గల కారణాల్లో ముఖ్యంగా అందరూ వేలెత్తి చూపుతున్నది బోయపాటి దర్శకత్వాన్ని. చిరాకు తెప్పించే యాక్షన్ సన్నివేశాలు కామెడీ గా అనిపించే హై వోల్టేజ్ యాక్షన్ సన్నివేశాలను ఈ సినిమా ఫ్లాప్ అవడానికి గల ముఖ్య కారణాలు గా మారాయి.

ఈ నేపధ్యంలో బోయపాటి శ్రీను దర్శకత్వం పై చాలా మంది హీరోలు మరియు నిర్మాతలు నమ్మకాన్ని కోల్పోయారని చెప్పుకోవచ్చు. మైత్రి మూవీ మేకర్స్ ఇండస్ట్రీలో అడుగు పెట్టిన మొదట్లో బోయపాటి శ్రీను కి అడ్వాన్స్ కింద పెద్ద మొత్తాన్ని ఇచ్చింది. కానీ ప్రస్తుతం బోయపాటి పరిస్థితి చూసి మైత్రి వారు అడ్వాన్సులు తిరిగిచ్చేయమంటున్నారట. బోయపాటి ఎంత నచ్చ చెప్పడానికి ప్రయత్నించిన వారు ససేమిరా ఒప్పుకోలేదు అని తెలుస్తోంది. చేసేది లేక బోయపాటి తీసుకున్న అడ్వాన్స్ మొత్తాన్ని మైత్రి వారికి ఇంట్రెస్ట్ తో సహా తిరిగి ఇచ్చేశారు. ఇక ప్రస్తుతం బోయపాటి శ్రీను దర్శకత్వంలో బాలయ్య సినిమా తప్ప ఇంకేమీ లేదు. మరి కనీసం ఈ సినిమాతో అయినా బోయపాటి హిట్ అందుకుంటాడో లేదో వేచి చూడాలి.