డబుల్ బ్లాక్ బస్టర్.. "బింబిసార" మరియు "సీతారామం" ఫ‌స్ట్ డే క‌లెక్ష‌న్స్..

Collection Report: ఈ శుక్రవారం అనగా ఆగస్టు 5 2022న రెండు సినిమాలు థియేటర్లలో విడుదలయ్యాయి. అందులో మొదటిది నందమూరి కళ్యాణ్ రామ్ హీరోగా నటించిన "బింబిసార". మల్లిడి వసిస్ట్ ఈ సినిమాకి దర్శకత్వం వహించారు. క్యాథరిన్ తెరెసా హీరోయిన్ గా నటించిన ఈ సినిమా ప్రేక్షకుల నుంచి మంచి రెస్పాన్స్ ను అందుకుంటుంది.

కాగా మరొకటి దుల్కర్ సల్మాన్ హీరోగా నటించిన "సీతారామం" సినిమా కూడా నిన్ననే విడుదలైంది. ఇక ట్రైలర్ మరియు ప్రమోషన్స్ తోనే ప్రేక్షకులు దృష్టిని ఆకర్షించిన ఈ చిత్రం విడుదలైన మొదటి రోజు నుంచి పాజిటివ్ రెస్పాన్స్ తో ముందుకు దూసుకుపోతోంది. "సీతారామం" సినిమా మొదటి రోజున బాక్స్ ఆఫీస్ వద్ద ప్రపంచవ్యాప్తంగా 2.5 కోట్లను వసూలు చేసింది. రొమాంటిక్ డ్రామాగా ప్రేక్షకుల ముందుకి వచ్చిన ఈ సినిమా వారాంతం పూర్తయ్యేసరికి బ్రేక్ ఈవెన్ పాయింట్ చేరుకునేలాగానే కనిపిస్తోంది.

మరోవైపు "బింబిసారా" సినిమా మొదటి రోజునే 45% రికవరీ పూర్తి చేసుకుంది. ఇక వారాంతం పూర్తయ్యాక ఈ సినిమా బ్లాక్ బస్టర్ దిశగా పరుగులు తీస్తుందని చెప్పవచ్చు. ఒకే రోజు మంచి అంచనాల మధ్య విడుదలైనప్పటికీ రెండు సినిమాలు మంచి కలెక్షన్స్ తో ముందుకు దూసుకుపోతున్నాయి. ఈసారి టాలీవుడ్ కి డబుల్ బ్లాక్ బస్టర్ వచ్చినట్లే చెప్పుకోవచ్చు.