BB3 Title Roar: ఉగాది ఆకలి తీర్చేశారు..బాలయ్య, బోయపాటి మూవీ టైటిల్ ఫిక్స్

Balakrishna: నటసింహం నందమూరి బాలకృష్ణ హీరోగా బోయపాటి శ్రీను కాంబోలో రాబోతున్న మూడో చిత్రం BB3. ''సింహా, లెజెండ్'' లాంటి బ్లాక్‌బస్టర్ సినిమాల తర్వాత వీరిద్దరి కాంబోలో రాబోతున్న సినిమా కావడంతో ప్రేక్షకులు భారీ అంచనాలు పెట్టుకున్నారు. ఇటీవలే సినిమాను మే 28న ఈ చిత్రాన్ని రిలీజ్ చేయబోతున్నట్లు ప్రకటించారు. అయితే రిలీజ్ డేట్ ప్రకటించిన ఇంకా టైటిల్ విషయంలో మాత్రం సస్పెన్స్ వీడింది. ఉగాది పండగ సందర్భంగా ఈ మూవీ టైటిల్ ప్రకటించారు.

ఈ చిత్రానికి 'అఖండ' అనే పేరు ఖరారు చేస్తూ ఓ వీడియోను పంచుకుంది. ఇందులో 'కారుకూతలు కూస్తే కపాలం పగిలిపోద్ది' అంటూ బాలయ్య చెప్పిన డైలాగ్‌ అదరగొడుతుంది. ఈ సినిమాకు మొదట 'మోనార్క్' అనే టైటిల్ ప్రచారంలోకి రాగా, ఆ తర్వాత 'గాడ్ ఫాదర్', అలాగే 'టార్చ్ బేరర్' అనే పేర్లు బయటకు వచ్చాయి దీంతో సినిమాపై మరింత ఆసక్తిని పెంచాయి. అయితే ఉగాది రోజున 'అఖండ' అనే టైటిల్ వెల్లడించడంతో.. నందమూరి అభిమానులను ఫూల్ ఖూష్ అవుతున్నారు. ఈ చిత్రంలో బాలకృష్ణ మరోసారి డ్యూయల్ రోల్ పోషిస్తుండటం విశేషం. అఘోరాగా, అలాగే కలెక్టర్‌గా రెండు పాత్రల్లో బాలయ్య కనిపించబోతున్నారు. ఇప్పటికే విడుదల చేసిన ఫస్ట్ రోర్, ఫస్ట్ లుక్ పోస్టర్ల సినిమాపై అంచనాలు మరింత పెంచాయి.

ద్వారక క్రియేషన్స్ పతాకంపై రూపొందుతున్న ఈ సినిమాను మిర్యాల రవీందర్ రెడ్డి నిర్మిస్తున్నాడు. ప్రస్తుతం ఈ మూవీ షూటింగ్ శరవేగంగా జరుగుతోంది. నందమూరి ఫ్యాన్స్ కోరుకునే అన్ని అంశాలు కలగలుపుతూ ఈ సినిమా రూపొందిస్తున్నారు బోయపాటి. బాలయ్య సరసన ప్రగ్యా జైస్వాల్ హీరోయిన్‌గా నటిస్తోంది. మరో నాయిక పూర్ణ వైద్యురాలి పాత్రలో కనిపించనుందని సమాచారం. శ్రీకాంత్ విలన్ పాత్రలో నటిస్తున్నాడు. తమన్ సంగీతం అందిస్తున్నాడు.