Balakrishna Movie: బీబీ3 టైటిల్ ఫిక్స్

బాలకృష్ణ నుంచి ఓ సినిమా వస్తోందంటే అభిమానులకు పండుగే. అందులోనూ బాలయ్య బాబు, బోయపాటి కాంబినేషన్ లో వస్తుందంటే ఆ చిత్రానికి వుండే క్రేజ్ చెప్పన్నక్కర్లేదు. గతంలో వీరి కాంబినేషన్ లో వచ్చిన రెండు చిత్రాలూ బాక్సాఫీసు వద్ద భారీ హిట్స్ ను సొంతం చేసుకున్నాయి. దీంతో బీబీ3 పై అంచనాలు భారీగానే ఉన్నాయి.

ఈ సినిమా టైటిల్ పై మొదటి నుంచీ రకరకాల పేర్లు ప్రచారంలోకి ఉన్నాయి. ఇంకా పేరు ఖరారు చేయలేదంటూ దర్శక నిర్మాతలు ఎప్పటికప్పుడు ప్రకటింస్తూనే ఉన్నారు. తాజాగా ఈ చిత్రానికి 'గాడ్ ఫాదర్' అనే పవర్ ఫుల్ టైటిల్ని ఫిక్స్ చేసినట్లు తెలుస్తోంది. ఈ టైటిల్ బాలక్భష్ణ కు సరిగ్గా సరిపోతుందని భావిస్తున్నారట. అందుకే, దీనిని ఖరారు చేసినట్టు, త్వరలోనే అధికారికంగా ప్రకటించనున్నట్లు తెలుస్తోంది.

అయితే, ఈ చిత్రంలో బాలకృష్ణ అఘోరా పాత్రలో కనిపిస్తారని, ఆ గెటప్ సినిమాకి హైలైట్ అవుతుందని అంటున్నారు. వాటితోపాటు బోయపాటి బ్రాండ్ యాక్షన్ ఎపిసోడ్స్ కూడా ప్రేక్షకులను కట్టిపడేస్తాయని టాక్. ఎన్టీ రామారావు జన్మదినమైన మే 28న ఈ సినిమా విడుదల కానుంది. ద్వారకా క్రియేషన్స్ బ్యానర్ పై మిర్యాల రవీందర్ రెడ్డి ఈ చిత్రానికి తమన్ సంగీతాన్ని సమకూరుస్తున్నాడు.