RRR Song: "ఆర్ఆర్ఆర్" నుండి విడుదల కాబోతున్న మరొక పాట

RRR Song: సినిమా అభిమానులు ఆసక్తిగా ఎదురు చూస్తున్న సినిమాలలో "ఆర్ఆర్ఆర్" ముందే ఉంటుంది. అల్లూరి సీతారామ రాజు పాత్రలో రామ్ చరణ్ మరియు కొమురం భీమ్ పాత్రలో ఎన్టీఆర్ ఈ సినిమాలో కనిపించనున్నారు. తాజాగా ఈ సినిమా గురించి ఓ ఆసక్తికరమైన వార్త సోషల్ మీడియాలో హల్చల్ చేస్తోంది.

సినిమా నుంచి "జననీ" అనే పాట విడుదల చేయాలని దర్శకనిర్మాతలు ప్లాన్ చేస్తున్నారు. ఈ పాట నవంబర్ 26న సోషల్ మీడియా ద్వారా విడుదల కాబోతోంది. ఇది ఒక ఎమోషనల్ సాంగ్ అని సమాచారం.

ఇప్పటికే "నాటు నాటు" పాట సోషల్ మీడియాలో వైరల్ గా మారిన సంగతి తెలిసిందే. ఇక ఈ సినిమా తెలుగు, హిందీ, తమిళ్, కన్నడ మరియు మలయాళం భాషల్లో విడుదల కాబోతున్న సంగతి తెలిసిందే. ఈ సినిమాలో బాలీవుడ్ బ్యూటీ అలియా భట్ మరియు హాలీవుడ్ భమ ఒలీవియా మోరీస్ హీరోయిన్లుగా నటిస్తున్నారు. అజయ్ దేవగన్, సముతిరఖని, శ్రియ శరణ్ లు ఈ సినిమాలో ముఖ్య పాత్రలలో కనిపించబోతున్నారు. డీ వీ వీ ఎంటర్టైన్మెంట్ పతాకంపై డీవీవీ దానయ్య ఈ సినిమాని ప్రతిష్టాత్మకంగా నిర్మిస్తున్నారు. ఎం ఎం కీరవాణి ఈ సినిమాకి సంగతాన్ని అందిస్తున్నారు.