ప్రముఖ నిర్మాత దిల్ రాజు ఇంట మరో వేడుక.

ప్రముఖ నిర్మాత దిల్ రాజు ఇటీవలే ఓ శుభకార్యం జరిగింది. దిల్ రాజు.. తేజస్వినిని నిరాడంబ‌రంగా పెళ్లి చేసుకున్నారు. 2017లో దిల్ రాజు భార్య అనిత మరణించడంతో. అప్పటి నుంచి దిల్ రాజుని మరో పెళ్లి చేసుకోవాలని ఆయనపై కుమార్తె హన్షిత రెడ్డి ఒత్తిడి తీసుకొచ్చారు. ఈ నేపథ్యంలో తండ్రిని ఒప్పించి.. దగ్గరుండి మరీ పెళ్లి జరిపించింది హన్షిత. అయితే.. ఇప్పుడు దిల్ రాజు ఇంట మరో వేడుక జరిగింది. దిల్ రాజు మనవారాలు ఇషిక అన్నప్రాసన వేడుక.

హన్షిత కుమార్తె ఇషిక అన్నప్రాసన వేడుక హైదరాబాద్‌లోని ఓ ఆలయంలో జరిగింది. ఈ వేడుకలో దిల్ రాజు కూడా పాల్గొన్నారు. ఈ సందర్బంగా మనవరాలిని ఎత్తుకుని ఆడించారు దిల్ రాజు. ఈ అన్నప్రాసన వేడుకకు సంబందించిన ఫొటోలను హన్షిత రెడ్డి ఇన్‌స్టాగ్రామ్‌లో పోస్ట్ చేశారు. 'ఇషిక జన్మించి ఆరు నెలలు పూర్తయిన సందర్భంగా ఆరో నెల ఆరో రోజు అన్నప్రాసన వేడుక' అంటూ హన్షిత పోస్ట్ చేసింది. ఈ ఫోటోల్లో చిన్నారి ఇషిక పట్టు వస్త్రాల్లో మెరిసిపోతుండటం చూడవచ్చు.