F3 Movie: 'ఎఫ్3' లో అంజలి

F3 Movie: అనిల్ రావిపూడి దర్శకత్వం వహించిన వరుణ్ తేజ్, వెంకటేష్ నటించిన 'ఎఫ్ 2: ఫన్ అండ్ ఫ్రస్ట్రేషన్' బ్లాక్ బస్టర్ గా నిలిచిన సంగతి తెలిసిందే. దీంతో ఈ సినిమాకు సీక్వెల్ తీసుకొస్తుండడంతో అంచనాలు భారీగానే ఉన్నాయి.

ప్రస్తుతం హైదరాబాద్‌లో వేగంగా షూటింగ్ చేసుకుంటోంది 'ఎఫ్3'. కాగా, ఈ సినిమాలోనూ వెంకటేష్, వరుణ్ తేజ్, తమన్నా, మెహ్రీన్ తమ పాత్రలను తిరిగి ప్రదర్శించబోతున్నారు. తాజా నివేదికల ప్రకారం, ఈ చిత్రంలో నటి అంజలి కూడా కీలక పాత్రలో నటించనున్నట్లు తెలుస్తోంది. 'జర్నీ' నటి ఇటీవల పవర్ స్టార్ పవన్ కళ్యాణ్ 'వకీల్ సాబ్‌'తో విజయాన్ని రుచి చూసింది.

అయితే, ఈ చిత్రంలో అంజలి జాయిన్ అయినట్లు అధికారిక ప్రకటన ఇంకా విడుదల కాలేదు. అన్నీ అనుకున్నట్లుగా జరిగితే ఈ సినిమా ఆగస్టు 21, 2021 న థియేటర్లలోకి రానుంది.