డ్యుయల్ రోల్ లో కనిపించబోతున్న అనసూయ

Anasuya Bharadwaj: యాంకర్ గా మంచి పేరుతెచ్చుకున్న అనసూయ భరద్వాజ్ ఈ మధ్యకాలంలో నటిగా కూడా మంచి సినిమాలు ఎంచుకుంటూ ముందుకు దూసుకు వెళుతోంది. కేవలం ప్రాధాన్యత ఉన్న పాత్రలు మాత్రమే ఎంచుకుని తన అభిమానులను కూడా అలరిస్తోంది అనసూయ. పుష్ప సినిమాలో నెగటివ్ షేడ్స్ ఉన్న పాత్ర పోషించిన అనసూయ ఇప్పుడు పుష్ప 2 సినిమాలో కూడా తన నటనతో అందరి దృష్టిని ఆకర్షించనుంది. అయితే రవితేజ హీరోగా నటిస్తున్న "ఖిలాడి" సినిమాలో కూడా అనసూయ కీలకపాత్ర పోషిస్తోంది. రమేష్ వర్మ ఈ సినిమాకి దర్శకత్వం వహిస్తున్నారు.

అయితే తాజాగా ఈ సినిమాలో అనసూయ పాత్ర గురించి ఒక ఆసక్తికరమైన వార్త ఇప్పుడు సోషల్ మీడియాలో వైరల్ గా మారింది. ఈ సినిమాలో అనసూయ డ్యూయల్ రోల్ లో కనిపించబోతున్నట్లు వార్తలు వినిపిస్తున్నాయి. అందులో ఒక పాత్రలో ఒక బ్రాహ్మణ అమ్మాయి గా కనిపించబోతున్న అనసూయ మరొక పాత్రలో రెబల్ అమ్మాయిలాగా కనిపించనుంది. ఈ రెండిట్లో ఏదో ఒక పాత్ర సినిమా మధ్యలోనే చచ్చిపోతుందట. ఇక అనసూయ పాత్ర గురించిన మరిన్ని వివరాలు త్వరలో తెలియనున్నాయి.