భారీ రెమ్యూనరేషన్ డిమాండ్ చేస్తున్న పుష్పరాజ్

Allu Arjun: స్టైలిష్ స్టార్ అల్లు అర్జున్ హీరోగా సుకుమార్ దర్శకత్వం లో ప్రేక్షకుల ముందుకు వచ్చిన సినిమా "పుష్ప: ది రైజ్". ఎర్రచందనం బ్యాక్ డ్రాప్ తో ప్రేక్షకుల ముందుకు వచ్చిన ఈ సినిమా బాక్స్ ఆఫీస్ వద్ద కాసుల వర్షం కురిపించింది. తెలుగు రాష్ట్రాల్లో మాత్రమే కాక మిగతా భాషల్లో కూడా సినిమా భారీ విజయాన్ని సాధించింది. అయితే ఎటువంటి అంచనాలు లేకుండా, చాలా తక్కువ బజ్ ఈ చిత్రం హిందీలో కూడా విడుదలైంది కానీ అక్కడ భారీ కలెక్షన్లు చేసి అందరినీ షాక్ కి గురి చేసింది అని చెప్పాలి. ఈ నేపథ్యంలోనే ఈ సినిమా రెండవ భాగం అయిన "పుష్ప: ది రూల్" కూడా భారీ విజయాన్ని సాధిస్తుందని దర్శకనిర్మాతలు భావిస్తున్నారు.

ఈ నేపథ్యంలోనే అల్లు అర్జున్ "పుష్ప: ది రూల్" కోసం భారీగా రెమ్యూనరేషన్ పెంచేసి నట్లు తెలుస్తోంది. "పుష్ప: ది రైజ్" కోసం 50 కోట్ల దాకా రెమ్యునరేషన్ తీసుకున్న అల్లు అర్జున్ ఇప్పుడు"పుష్ప: ది రూల్"కోసం దానికి రెట్టింపు రెమ్యూనరేషన్ డిమాండ్ చేస్తున్నట్లుగా తెలుస్తోంది. బ్యూటీ రష్మిక మందన ఈ సినిమాలో హీరోయిన్గా నటిస్తోంది. ప్రముఖ మలయాళ నటుడు ఫాహద్ ఫాసిల్, అనసూయ భరద్వాజ్, సునీల్, తదితరులు ఈ సినిమాలో ముఖ్య పాత్రలు పోషిస్తున్నారు. మరి ఈ సినిమా బాక్సాఫీస్ వద్ద ఎలాంటి విజయాన్ని సాధిస్తుందో వేచిచూడాలి.