Allu Arjun: అట్లీ.. అల్లు అర్జున్.. అదిరిపోయే కాంబో..

Allu Arjun: స్టైలిష్ స్టార్ అల్లు అర్జున్ ఈ మధ్యనే పుష్ప సినిమాతో బాక్సాఫీసు వద్ద భారీ విజయం సాధించారు. తెలుగులో మాత్రమే కాక ఈ సినిమా మలయాళం, కన్నడం, హిందీ మరియు తమిళ భాషల్లో కూడా కాసుల వర్షం కురిపించింది. ఈ నేపథ్యంలోనే ఒక స్టార్ కోలీవుడ్ డైరెక్టర్ ఇప్పుడు అల్లు అర్జున్ తో ఒక సినిమా ప్లాన్ చేస్తున్నట్లు తెలుస్తోంది. ఆ డైరెక్టర్ మరెవరో కాదు అట్లీ. రాజా రాణి, తేరీ, మెర్సల్ వంటి బ్లాక్ బస్టర్ సినిమాలను ప్రేక్షకులకు అందించిన అట్లీ ఈ మధ్యనే బిగిల్ సినిమాతో మరొక విజయాన్ని సాధించారు. తాజాగా అల్లు అర్జున్ హీరోగా ఓ సినిమా ప్లాన్ చేస్తున్నట్లు తెలుస్తోంది.

ఇప్పటికీ ఈ సినిమాకి సంబంధించిన డిస్కషన్లు జరుగుతున్నాయని త్వరలోనే ఈ సినిమాకు సంబంధించిన అధికారిక ప్రకటన వెలువడనుంది అని తెలుస్తోంది. ప్రముఖ మ్యూజిక్ డైరెక్టర్ అనిరుధ్ రవిచందర్ ఈ సినిమాకి సంగీతాన్ని అందిస్తున్నట్లు సమాచారం. అయితే ప్రస్తుతం అల్లు అర్జున్ "పుష్ప 2" బిజీగా ఉన్నారు. ఈ సినిమా షూటింగ్ వచ్చే నెల నుంచి పట్టలెక్కనుంది. మరోవైపు అట్లీ కూడా బాలీవుడ్ సూపర్ స్టార్ షారుక్ ఖాన్ హీరోగా ఒక సినిమా చేస్తున్నారు. మరి అట్లీ, అల్లు అర్జున్ కాంబినేషన్లో సినిమా ఎప్పుడు మొదలవుతుంది అనేది ఇంకా తెలియాల్సి ఉంది.