అల్లరి నరేష్ కి హ్యాపీ ఎండింగేనా

సూపర్ స్టార్ మహేష్ బాబు కెరీర్ లో 25వ చిత్రంగా 'మహర్షి' సినిమా త్వరలో ప్రేక్షకుల ముందుకు రాబోతున్న సంగతి తెలిసిందే. వంశీ పైడిపల్లి దర్శకత్వం వహిస్తున్న ఈ సినిమాలో పూజ హెగ్డే హీరోయిన్ గా నటిస్తోంది. అంతేకాక ఈ సినిమాలో అల్లరి నరేష్ ఒక ముఖ్య పాత్ర పోషిస్తున్న సంగతి తెలిసిందే. అయితే తాజాగా ఈ సినిమాలో అల్లరి నరేష్ పాత్ర ఎలా ఉండబోతోందో అనే విషయంపై సోషల్ మీడియాలో డిబేట్ లు జరుగుతున్నాయి. కొందరేమో ఈ సినిమాలో అల్లరి నరేష్ పాత్ర చాలా కీలకంగా మారబోతోందని అంటున్నారు.

అంతేకాక 'గమ్యం' సినిమాలో గాలి శీను పాత్ర లాగానే 'మహర్షి' సినిమాలో కూడా అల్లరి నరేష్ పాత్ర చాలా బాగుంటుంది అని ఈ సినిమాలో కూడా అల్లరి నరేష్ పాత్ర చనిపోతుందనీ అంటున్నారు. మరికొందరు మాత్రం ఈ సినిమాలో ట్రాజెడీ ఉండదని, అల్లరి నరేష్ పాత్ర సెకండాఫ్ మొత్తం మహేష్ బాబు పక్కనే ఉంటుందని అంటున్నారు. ఈ విషయం పై క్లారిటీ రావాలంటే సినిమా విడుదలయ్యే వరకు ఎదురుచూడాల్సిందే. దిల్ రాజు, పివిపి, అశ్వనీదత్ సంయుక్తంగా నిర్మిస్తున్న ఈ చిత్రం మే 9న విడుదల కానుంది. దేవిశ్రీ ప్రసాద్ ఈ సినిమాకు సంగీతం అందించారు.