Box Office: గంటకు 4000 టిక్కెట్లు సేల్.. రూ. 30 కోట్ల బడ్జెట్.. 3 వారాల్లోనే 100 కోట్లు.. షాకిచ్చిన చిన్న సినిమా..!

Tovino Thomas: గత నెల రోజుల్లో చాలా పెద్ద సినిమాలు, కొన్ని పాత సినిమాలు మళ్లీ విడుదలయ్యాయి. కరీనా కపూర్ ది బకింగ్‌హామ్ మర్డర్స్, సిద్ధాంత్ యుధ్రా నుంచి జూనియర్ ఎన్టీఆర్ 'దేవరా' వరకు అనేక పెద్ద సినిమాలు థియేటర్లలో విడుదలయ్యాయి. అయితే, అన్ని చిత్రాలను వెనక్కునెట్టిన సినిమా ఒకటి సంచలనం సృష్టిస్తోంది. మలయాళంలో ప్రేక్షకులు ఏఆర్‌ఎమ్‌గా పిలుచుకునే ‘అజయంతే రాండమ్ మోషన్‌’ సినిమానే ఇది. 'అజయంతే రాండమ్ మోషన్' చిత్రంలో హీరోగా టోవినో థామస్ నటించారు. ఈ మలయాళీ సూపర్ స్టార్, సినిమాలలో ఎంపికతోపాటు నటనకు ఆస్కారమున్న కథలనే ఎంచుకుంటూ ముందుకు దూసుకెళ్తున్నాడు. టోవినో 'ARM' 12 సెప్టెంబర్ 2024న విడుదల అయింది. ఇప్పుడు ఈ సినిమా రూ.100 కోట్ల క్లబ్‌లో చేరి సూపర్‌హిట్‌గా నిలిచింది.

'న్యూస్ 18' కథనం ప్రకారం, 'అజయంతే రాండమ్ మోషన్' విడుదలైన మూడవ వారంలో రూ.100 కోట్ల క్లబ్‌లో చేరింది. మ్యాజిక్ ఫ్రేమ్ బ్యానర్‌పై ఈ సినిమా రూపొందింది. ఇప్పుడు 'ARM' ఈ ప్రొడక్షన్ హౌస్‌కి అత్యంత విజయవంతమైన సినిమాగా నిలిచింది. 15 ఏళ్లలో ఇప్పటివరకు ఈ ప్రొడక్షన్ హౌస్ 26 సినిమాలు చేసింది.

'అజయంతే రాండమ్ మోషన్' అక్టోబర్ 2వ తేదీ అంటే గాంధీ జయంతి నుంచి ప్రత్యేక ప్రయోజనాన్ని పొందింది. సేల్స్ యాప్ బుక్ మై షోలో ప్రతి గంటకు 4000 టిక్కెట్లు అమ్ముడవుతున్నాయని నివేదికలు చెబుతున్నాయి. అంటే, ఈ సినిమా బాక్సాఫీస్ వద్దకు వచ్చి చాలా వారాలు అవుతున్నా ఇప్పటికీ అభిమానుల క్రేజ్ కొంచెం కూడా తగ్గలేదు.

'అజయంతే రాండమ్ మోషన్' బడ్జెట్ 30 కోట్లు. ఇది మలయాళీ యాక్షన్ అడ్వెంచర్ మూవీ. దీని దర్శకుడు జితిన్ లాల్. ఈ చిత్రానికి సుజిత్ నంబియార్ రచన అందించారు. తారాగణం గురించి మాట్లాడితే, టోవినో థామస్‌తో పాటు, ఐశ్వర్య రాజేష్, సుర్భి లక్ష్మి, బాసిల్ జోసెఫ్ ఐశ్వర్య రాజేష్, కృతి శెట్టి, ప్రమోద్ శెట్టి కూడా ఉన్నారు.

'అజయంతే రాండమ్ మోషన్' కథే జనాలకు బాగా నచ్చుతోంది. ఇందులో టోవినో త్రిపాత్రాభినయం చేశాడు. ఫిల్మ్ క్రిటిక్స్ కూడా ఈ సినిమాని టోవినో బెస్ట్ ఫిల్మ్ అని అభివర్ణించారు. ఈ చిత్రం హిందీ, ఇంగ్లీష్, తమిళం, తెలుగు, కన్నడ భాషల్లో విడుదలైంది. ఈ సినిమా కథ గురించి చెబితే.. మూడు యుగాల కథను ఇందులో చూపించారు. కేలు, మణియన్, అజయన్ మూడు విభిన్న పాత్రలు పోషించాడు.