Acharya Movie: ఆచార్య ఫైనల్ సెటిల్మెంట్ అన్ని కోట్లా?

Acharya Final Settlement: మెగాస్టార్ చిరంజీవి మరియు మెగా పవర్ స్టార్ రామ్ చరణ్ కలిసి నటించిన ఆచార్య సినిమా కొరటాల శివ దర్శకత్వంలో భారీ అంచనాల మధ్య విడుదలై బాక్సాఫీస్ వద్ద అతి పెద్ద డిజాస్టర్ గా మారింది. మెగా అభిమానులు సైతం ఈ సినిమా పై నెగిటివ్ కామెంట్లు చేశారు. దీంతో చిత్ర డిస్ట్రిబ్యూటర్లకు భారీగా నష్టాలు వాటిల్లాయి. ఈ నేపథ్యంలో చిత్ర డైరెక్టర్ కొరటాల శివ తన వంతు బాధ్యతగా డిస్ట్రిబ్యూటర్లకు ఫైనల్ సెటిల్మెంట్ ఆఫర్ చేశారట. ఫైనల్ సెటిల్మెంట్ లో భాగంగా కొరటాల శివ డిస్ట్రిబ్యూటర్లకు 33 కోట్లు తిరిగి ఇచ్చేసినట్లు తెలుస్తోంది.

ఈ మధ్యనే ఫారిన్ ట్రిప్ నుంచి తిరిగి హైదరాబాద్ కి వచ్చిన చిరంజీవి కూడా దీని గురించి కొరటాల శివని అడిగారట. ఇక మరోవైపు అమెజాన్ ప్రైమ్ వారు ఇంకా ఆ చిత్ర నిర్మాతలకు కొంత అమౌంటు ఇవ్వాల్సి ఉందట. ఆ అమౌంట్ కూడా వచ్చాక డిస్ట్రిబ్యూటర్ లకు ఫైనల్ సెటిల్మెంట్ చేయడానికి నిర్మాతలు ప్లాన్ చేస్తున్నారట. మెగాస్టార్ కూడా డిస్ట్రిబ్యూటర్ లకు 10 కోట్లు తిరిగి ఇచ్చేసినట్టు తెలుస్తోంది. చిత్ర నిర్మాత నిరంజన్ రెడ్డి కూడా జీఎస్టీ తగ్గించినట్లు సమాచారం.