స్పోర్ట్స్ సినిమాలో యూటర్న్ నటుడు

ఒకవైపు హీరోగా తెలుగు తమిళ భాషల్లో నటిస్తూనే మరోవైపు విలన్ పాత్రల్లో అలాగే క్యారెక్టర్ ఆర్టిస్ట్ పాత్రల్లో కూడా అదరగొట్టే పర్ఫామెన్స్ ఇస్తూ అందరి దృష్టిని ఆకర్షిస్తూ వస్తున్నాడు ఆది పినిశెట్టి. ఈ మధ్యనే 'నీవెవరో' సినిమాలో హీరోగా నటించిన ఆది పినిశెట్టి సమంత 'యూటర్న్' సినిమాలో ముఖ్యపాత్ర పోషించాడు. మరోవైపు తెలుగు, తమిళ భాషల్లో బిజీగా ఉన్న అది త్వరలోనే హీరోగా మరొక సినిమాలో నటించబోతున్నాడు. ఈ సినిమా ఒక ద్విభాషా చిత్రంగా విడుదల కాబోతోంది అని తెలుస్తోంది. అంతేకాక ఈ సినిమా కి స్పోర్ట్స్ బ్యాక్ డ్రాప్ ఉండబోతోందని సమాచారం.

కొత్త దర్శకుడు పృధ్వి ఆదిత్య ఈ సినిమాకు దర్శకుడిగా వ్యవహరించనున్నారు. ప్రస్తుతం ఈ చిత్రానికి సంబంధించిన స్క్రిప్ట్ పనులు జరుగుతున్నాయి. అది పూర్తవగానే షూటింగ్ తెలుగు మరియు తమిళంలో జరగనుంది. ఆది ఈ సినిమాలో ఒక క్రీడాకారుడు పాత్రలో కనిపించబోతున్నాడు కానీ ఈ సినిమా ఏ క్రీడ నేపథ్యంలో సాగనుంది అనే విషయం పై ఇంకా క్లారిటీ రావాల్సి ఉంది. బిగ్ ప్రింట్ పిక్చర్స్ బ్యానర్ లో రూపొందుతున్న ఈ సినిమాకు పీఎంఎం ఫిల్మ్స్ మరియు గ్లోరీ స్టూడియోస్ సంస్థలు సహ నిర్మాణ సంస్థలుగా వ్యవహరించబోతున్నాయి. ప్రవీన్ కుమార్ సినిమాటోగ్రఫీ అందించబోతున్నారు.