మంచి కలెక్షన్లు వసూలు చేస్తోన్న '118'

నందమూరి కళ్యాణ్ రామ్ కెరీర్ లో మొట్టమొదటి సారిగా 'నా నువ్వే' అనే ఫుల్-లెంగ్త్ ప్రేమకథతో ప్రేక్షకుల ముందుకు వచ్చాడు కానీ ఆ సినిమా ప్రేక్షకులను పెద్దగా మెప్పించలేకపోయింది. ఇక ఎన్టీఆర్ బయోపిక్ లో హరికృష్ణ పాత్రలో కనిపించిన కళ్యాణ్రామ్ ఇప్పుడు '118' అనే థ్రిల్లర్ సినిమాతో ప్రేక్షకుల ముందుకు వచ్చాడు. సినిమాటోగ్రాఫర్ కె.వి.గుహన్ ఈ సినిమాకు దర్శకత్వం వహించారు. శాలిని పాండే, నివేదా థామస్ ఈ సినిమాలో హీరోయిన్లుగా నటించారు. ట్రైలర్ తో మంచి మంచి రెస్పాన్స్ అందుకున్న ఈ చిత్రం మార్చి 1వ తేదిన విడుదలైంది.

ఓపెనింగ్ రోజు నుంచి ఈ చిత్రం ప్రేక్షకుల నుంచి మంచి రెస్పాన్స్ ను అందుకుంటోంది. విడుదలకు ముందు పెద్దగా బజ్ లేనప్పటికీ కలెక్షన్ల పరంగా '118' సినిమా బాగానే వసూలు చేస్తోంది. పైగా వీకెండ్ సమయం కావడంతో సినిమాకు బాగానే వర్కవుట్ అయింది. ఆదివారం వరకు మంచి కలెక్షన్లను సంపాదించిన ఈ సినిమా సోమవారం నుంచి కూడా అదే జోరును కొనసాగిస్తోంది. మధ్యాహ్నం మరియు సాయంత్రం షో లు కూడా బాగానే ఫుల్ అవుతుండటంతో ఈ సినిమా హిట్ అయ్యే చాన్స్ లు ఎక్కువగా కనిపిస్తున్నాయి.