Pailam Pilaga Movie Review: అందమైన పల్లెటూరి ప్రేమ కథ 'పైలం పిలగా'..

చిత్రం : పైలం పిలగా (Pilam Pilaga)

నటీనటులు: సాయి తేజ కల్వకోట, పావని కరణం, సతీష్ సారిపల్లి, చిత్రం శ్రీను,మిర్చి కిరణ్, డబ్బింగ్ జానకి, ప్రణవ్ సోను తదితరులు

సంగీత దర్శకుడు: యశ్వంత్ నాగ్

ఎడిటింగ్: రవితేజ

సినిమాటోగ్రాఫర్: సందీప్ బద్దుల

నిర్మాత: ఎస్.కే.శ్రీనివాస్,రామకృష్ణ బొద్దుల

దర్శకత్వం: ఆనంద్ గుర్రం

విడుదల: 20-09-2024

తెలంగాణ పల్లెటూరి నేపథ్యంలో ఇటీవల ఎక్కువ సినిమాలు వస్తున్నాయి. మంచి ఫీల్‌ గుడ్ మూవీస్‌గా వచ్చి భారీ విజయాన్ని సైతం అందుకున్నాయి. ఈ జాబితాలోకే వస్తుంది కొత్త చిత్రం 'పైలం పిలగా'. హ్యాపీ హార్స్ ఫిలిమ్స్ బ్యానర్‌పై రామకృష్ణ బొద్దుల, ఎస్.కే. శ్రీనివాస్ సంయుక్తంగా నిర్మించిన పైలం పిలగా మూవీ సెప్టెంబర్‌ 20వ తేదీన ప్రేక్షకుల ముందుకు వచ్చింది. మరి ఈ సినిమా ప్రేక్షకులను ఏ మేర ఆకట్టుకుంది.? అసలు సినిమా కథేంటో తెలుసుకోవాలంటే ఈ రివ్యూలోకి వెళ్లాల్సిందే.

కథేంటంటే..

సాయి తేజ కల్వకోట (శివ) దుబాయ్ వెళ్లి బాగా సెటిల్ అవ్వాలని అనుకుంటాడు. ఈ క్రమంలో శివ నాన్నమ్మ ఒక స్థలం ఉంటుంది. అది అమ్మితే డబ్బు వస్తుంది దాంతో దుబాయ్ వెళ్ళవచ్చు అని చెబుతుంది. శివ తన స్నేహితుడు ప్రణవ్ సోను (శ్రీను)తో కలిసి స్థలం అమ్ముదామని అనుకుంటాడు. ఆ స్థలం లెటికేషన్‌లో ఉంటుంది. ఈ క్రామంలోనే శివ.. (పావని కారణం ) దేవితో ప్రేమలో పడతాడు. అయితే చివరికి శివ,దేవీల ఒక్కటవుతారా శివ తాను దుబాయ్ వెళ్లాలనుకున్న ప్లాన్ ఏమయ్యింది ? వంటి విషయాలు తెలియాలంటే పైలం పిలగా సినిమా చూడాల్సిందే.

ఎలా ఉంది.?

ఇక సినిమా విశ్లేషణ్‌ విషయానికొస్తే.. 'పిల్ల పిలగాడు' వెబ్ సిరీస్ తో యూత్ లో మంచి క్రేజ్ సంపాదించుకున్న సాయి తేజ హీరో గా, పుష్ప , పరేషాన్ చిత్రాలతో వెలుగులోకి వచ్చిన పావని కరణం హీరోయిన్ గా, యాడ్ ఫిలిం మేకర్ ఆనంద్ గుర్రం దర్శకత్వంలో తెరకెక్కింది. మంచి పాటలు, ఎంటర్టైనింగ్ కామెడీ, ఎంగేజింగ్ మ్యూజిక్ సినిమాను నిలబెట్టాయి. పైసాను ప్రేమించే యువకుడు, ప్రకృతిని ప్రేమించే అమ్మాయి. మేఘాల్లో మేడలు కట్టుకోవాలని కలలు కనే మొనగాడు, చెట్టు కింద చిన్న గూడు చాలు అనుకునే అమ్మాయి.. ఇలా రెండు విభిన్నమైన ఆలోచనలు ఉన్న వ్యక్తుల మధ్య నెలకొన్న సంఘర్షణని దర్శకుడు వినోదాత్మకంగా తెలియజేశాడు. డైరెక్టర్ ఆనంద్ గుర్రం రాసుకున్న కథా, కథనాలు బాగున్నాయి. ప్రస్తుత సమాజంలో జరుగుతున్న అంశాలను కళ్ళకు కట్టినట్లు చూపించారు. మొదటి ప్రయత్నంతోనే సక్సెస్ సాధించారు. మ్యూజిక్ డైరెక్టర్ యస్వత్ నాగ్ సంగీతం ఈ సినిమాకు మరో హైలెట్. అందరూ తప్పకుండా చూడాల్సిన సినిమా పైలం పిలగా.

ఇక సినిమాలో డబ్బింగ్ జానకి, చిత్రం శీను, మిర్చి కిరణ్ తదితరులు ఇతర పాత్రల్లో నటించారు. యశ్వంత్ నాగ్ ఆరు అద్భుతమైన పాటలతో మెలోడియస్ సంగీతాన్ని అందించారు. కెమెరా సందీప్ బద్దుల, ఎడిటింగ్ రవితేజ, శైలేష్ దరేకర్, స్టైలిస్ట్ హారిక పొట్ట, లిరిక్స్ ఆనంద్ గుర్రం, అక్కల చంద్రమౌళి, ఎగ్జిక్యూటివ్ ప్రొడ్యూసర్ సంతోష్ ఒడ్నాలతో పాటు.. రవి వాషింగ్టన్, కృష్ణ మసునూరి, విజయ్ గోపు సహా నిర్మాతలుగా వ్యవహరించారు.

రేటింగ్.. 2.75/5