IPL 2020 Match 14 Live Updates and Live score : చెన్నై సూపర్ కింగ్స్ తో స‌న్‌రైజర్స్ హైదరాబాద్ మ్యాచ్ లైవ్ అప్ డేట్స్!

ఐపీఎల్ 2020లో నేడు మ‌రో ఆస‌క్తిక‌ర పోరు జరగనుంది. దుబాయి వేదిక‌గా చెన్నై సూపర్ కింగ్స్ తో స‌న్‌రైజర్స్ హైదరాబాద్ తలపడుతోంది. ఇప్ప‌టివ‌ర‌కూ.. ఇరు జ‌ట్లు చెరో మూడు మ్యాచ్‌లు ఆడి కేవ‌లం ఒక్కో మ్యాచ్‌ను మాత్రమే గెలిచాయి. ఐపీఎల్ పాయింట్ల పట్టికలో అట్టడుగు స్థానంలో నిలిచాయి. దీంతో ఇరు జ‌ట్ల‌కు ఈ మ్యాచ్ చాలా కీల‌కం కానున్నది. రెండు జట్లూ విజయం కోసం తమ సర్వశక్తులూ ఒడ్డుతున్నాయి. గత రికార్డుల‌ను ప‌రిశీలిస్తే.. ఇప్పటిదాకా ఈ రెండు జట్లు 12 సార్లు తలపడ్డాయి. ఇందులో తొమ్మిది సార్లు చెన్నై సూపర్ కింగ్స్ విజయాన్ని సాధించగా.. కేవ‌లం మూడుసార్లు మాత్రమే హైదరాబాద్ గెలిచింది. మొత్తం మీద ఐపీఎల్‌లో తాను ఆడిన చివరి అయిదు మ్యాచుల్లో నాలుగింటిని కోల్పోయింది సన్ రైజర్స్. ఒక్క మ్యాచ్ మాత్రమే విజయం సాధించింది.