Detox Juices: పరగడుపున ఈ జ్యూస్లు తాగితే అవయవాలన్నీ క్లీన్.. ఎలాగంటే..?
Detox Juices: సమయపాలన లేకుండా తినే ఆహారపు అలవాట్ల వల్ల శరీరంలో చాలా ట్యాక్సిన్లు పేరుకుపోతాయి...
Detox Juices: పరగడుపున ఈ జ్యూస్లు తాగితే అవయవాలన్నీ క్లీన్.. ఎలాగంటే..?
Detox Juices: సమయపాలన లేకుండా తినే ఆహారపు అలవాట్ల వల్ల శరీరంలో చాలా ట్యాక్సిన్లు పేరుకుపోతాయి. ఇవి రకరకాల రోగాలకు కారణమవుతాయి. కాబట్టి వీటిని బయటికి పంపించడం చాలా ముఖ్యం. అయితే ఇవి బయటికి వెళ్లాలంటే ముందుగా జీర్ణ వ్యవస్థ ఆరోగ్యంగా ఉండాలి. కానీ చాలామందిలో ఇది జరుగదు. అందుకే డిటాక్స్ డ్రింక్స్ తీసుకోవాలి. ఈ జ్యూస్లు కడుపుని క్లీన్ చేస్తాయి. శరీరంలోని అన్ని అవయవాలని యాక్టివ్ చేస్తాయి. టాక్సిన్స్ అన్నింటిని తొలగిస్తాయి. ప్రతిరోజు పరగడుపున ఈ నాలుగు జ్యూస్లు తాగితే కడుపు క్లీన్ అవుతుంది.
1. తేనె దాల్చిన చెక్క నీరు
పడుకునే ముందు తేనెను తీసుకోవడం ఎక్కువ కేలరీలు బర్న్ అవుతాయి. ఇందులో విటమిన్లు, ఖనిజాలు, ఆరోగ్యకరమైన కొవ్వులు పుష్కలంగా ఉంటాయి. తేనెలోని ముఖ్యమైన హార్మోన్లు ఆకలిని అణిచివేస్తాయి బరువు తగ్గడంలో సహాయపడతాయి. మరోవైపు, దాల్చినచెక్క తగ్గించడంలో సహాయపడుతుంది. బరువు తగ్గడంలో సహాయపడుతుంది. దాల్చినచెక్కలోని యాంటీమైక్రోబయల్, యాంటీపరాసిటిక్ లక్షణాలు జలుబు, అలర్జీలు, కొలెస్ట్రాల్ మొదలైన వాటిని నివారిస్తుంది.
2. మెంతి నీరు
మెంతులలో ఐరన్, మెగ్నీషియం, మాంగనీస్, రాగి, విటమిన్ B6, ప్రోటీన్, డైటరీ ఫైబర్ వంటి అనేక విటమిన్లు, ఖనిజాలు ఉంటాయి. ఇందులో యాంటీఆక్సిడెంట్, యాంటీ ఇన్ఫ్లమేటరీ లక్షణాలు పుష్కలంగా ఉంటాయి. ఇందులో ఉండే పీచు మలబద్దకాన్ని నివారిస్తుంది. కొన్ని మెంతి గింజలను రాత్రంతా నానబెట్టి, ఉదయం పరగడుపున తాగాలి. కేవలం విత్తనాలను తీసివేసి తాగితే కడుపు క్లీన్ అవుతుంది.
3. కొత్తిమీర నీరు
కొత్తిమీర జీర్ణ ఎంజైమ్లు, రసాలను ప్రేరేపిస్తుంది. ఇది మన జీర్ణవ్యవస్థను ఆరోగ్యంగా ఉంచడంలో సహాయపడుతుంది. ఇది ఫైబర్ మూలం కూడా. ఈ పానీయంలో ఖనిజాలు, విటమిన్లు, పొటాషియం, ఐరన్, మెగ్నీషియం, కాల్షియం, ఫోలిక్ యాసిడ్ విటమిన్లు A, K, C ఉంటాయి. గ్లాసు నీటిలో ఒక చెంచా కొత్తిమీర గింజలు వేసి మరిగించాలి. తర్వాత మంటను ఆపివేసి రాత్రంతా అలాగే ఉంచాలి మరుసటి రోజు ఉదయం నీటిని వడకట్టి తాగాలి. అంతే అన్ని అవయవాలకు దివ్యౌషధంలా పనిచేస్తాయి.
4. జీలకర్ర, నిమ్మరసం
జీలకర్ర జీవక్రియ రేటును పెంచడం జీర్ణక్రియను మెరుగుపరచడం, కేలరీలను వేగంగా బర్న్ చేయడంలో సహాయపడుతుంది. జీలకర్రను రాత్రంతా నానబెట్టి ఆపై విత్తనాలతో నీటిని మరిగించండి. గింజలను తీసివేసి గోరువెచ్చని నీటిని తాగండి ఇందులో సగం నిమ్మకాయ రసాన్ని కలుపుకుని ఉదయాన్నే తాగితే చాలా మంచిది