Snakes: వంటింట్లో ఇవి ఉంటే పాములు వెతుక్కుంటూ వస్తాయి!

Snakes: వానాకాలంలో పాముల సంచారం మరింత పెరుగుతుంది. తేమతో కూడిన వాతావరణం, తినుబండారాల వాసన, మరియు ఇంటి పరిసరాల్లోని గుబురు మొక్కలు ఇవన్నీ పాములను మన నివాసాల వైపు దారి మళ్లిస్తున్నాయని నిపుణులు హెచ్చరిస్తున్నారు. ముఖ్యంగా వంటగదిలో నిర్లక్ష్యం చేసిన కొన్ని పదార్థాల వాసన పాములకు ఆకర్షణగా మారుతోంది.

ఎలుకలు – పాముల రహస్య రహదారి

వంటగదిలో బియ్యం, పప్పులు నిల్వచేసిన చోట ఎలుకలు చేరడం సహజం. కానీ వాటిని వెతుకుతూ పాములు రావడం భయాందాయకం. పాములు ఎలుకల వాసనను పసిగట్టి రాత్రి వేళలో ఇంట్లోకి ప్రవేశించే అవకాశాలు ఎక్కువగా ఉంటాయని నివేదికలు పేర్కొంటున్నాయి.

గుడ్ల వాసన, కోడి మాంసం వల్ల కూడా ఆకర్షణ

గుడ్లు లేదా కోడి మాంసానికి ఉన్న మాంసహార వాసన పాములను ఆకర్షిస్తుందని పరిశోధనల్లో తేలింది. ప్రత్యేకంగా కోళ్ల ఫారాల వద్ద, అలాగే వంటింట్లో నిల్వ చేసిన గుడ్ల వాసన వల్ల పాములు చేరే అవకాశాలు ఉన్నాయని అధికారులు హెచ్చరిస్తున్నారు. అందువల్ల ఇటువంటి పదార్థాలను తిరిగి తిరిగి తెచ్చి వండటం ఉత్తమమని సూచిస్తున్నారు.

ఇంటి నిర్మాణ లోపాలు – పాములకు దారి

ఇంట్లో గోడలలో రంధ్రాలు ఉంటే, వాస్తవానికి అవే పాములకు ప్రధాన ప్రవేశ ద్వారాలవుతాయి. అలాగే ఇంటి చుట్టూ వదిలివేసిన వాడని వస్తువులు, మొక్కలు, చెట్ల పొదలు – ఇవన్నీ పాముల వాసస్థలాలుగా మారే అవకాశం ఉంది.

పాములను నివారించాలంటే ఈ జాగ్రత్తలు తప్పవు

♦ ఎండు కారం నీటిలో కలిపి ఇంటి చుట్టూ చల్లడం వల్ల పాములు దరిచేరవు.

♦ కర్పూరం పొడి చేసి నీటిలో కలిపి చల్లడం వల్ల పాములు భయపడతాయి.

♦ కలరా ఉండలు వేసినా వాసన వల్ల పాములు దూరంగా ఉంటాయి.

♦ ఇంటి చుట్టూ శుభ్రత పాటించడం, మొక్కలను కత్తిరించడం తప్పనిసరి.

♦ గోడల రంధ్రాలు మూసివేయడం, రాత్రివేళలో వంటింటిని మూసివేయడం అవసరం.

వానాకాలంలో చిన్న పొరపాట్లే పెద్ద ప్రమాదాలకు దారితీయొచ్చు. వంటింట్లో నివారణ చర్యలు తీసుకుంటే పాముల భయం లేకుండా ఉండవచ్చు. జాగ్రత్తే రక్ష!