Pollution Effect: పిల్లలపై పొల్యూషన్‌ ఎఫెక్ట్‌.. ఈ లక్షణాలు కనిపిస్తే అలర్ట్‌..!

Pollution Effect: చలికాలం మొదలైంది. దీంతో దేశంలోని చాలా రాష్ట్రాల్లో వాయు కాలుష్యం పెరగడం ప్రారంభమైంది. పెరుగుతున్న వాయు కాలుష్యం వల్ల దగ్గు, జలుబు, గొంతునొప్పి, వైరల్ ఫీవర్ కేసులు పెరుగుతున్నాయి. కాలుష్యం అతిపెద్ద ప్రభావం ఊపిరితిత్తులపై పడుతుంది. దీనివల్ల చిన్నారులు ఎక్కువగా ఆస్తమా బారిన పడుతున్నారు. ఇలాంటి పరిస్థితుల్లో పిల్లలను కాలుష్యం నుంచి కాపాడాలని వైద్యులు సూచిస్తున్నారు. ఇప్పటికే ఆస్తమా ఉన్నవారు కొన్ని జాగ్రత్తలు తీసుకోవాలి. ఆస్తమా లక్షణాలు, కారణాలు, నివారణ గురించి ఈ రోజు తెలుసుకుందాం.

ఆస్తమా లక్షణాలు

1. శ్వాసకోస ఇబ్బంది

2. రాత్రిపూట విపరీతమైన దగ్గు

3. ఊపిరి పీల్చుకుంటున్నప్పుడు ఈల శబ్దం

4. శ్వాసలో గురక

5. పిల్లలలో శ్వాస ఆడకపోవడం

6. పిల్లవాడు త్వరగా అలసిపోవడం

ఆస్తమా ఎందుకు వస్తోంది..?

కాలుష్యం చిన్న ప్రమాదకరమైన కణాలతో కూడి ఉంటుంది. ఒక వ్యక్తి ఊపిరి పీల్చుకున్నప్పుడు ఈ కణాలు ఊపిరితిత్తులలోకి వెళుతాయి. ఈ సమయంలో బ్రోన్చియల్ ట్యూబ్ లైనింగ్ వాపు మొదలవుతుంది. దీంతో శ్వాస తీసుకోవడంలో ఇబ్బంది ఏర్పడుతోంది. నిద్రపోతున్నప్పుడు దగ్గు వస్తుంది. శ్వాసలో గురక వస్తుంది. ఈ లక్షణాలు ఎక్కువ కాలం కొనసాగితే ఆస్తమా వస్తుంది. కొన్ని సందర్భాల్లో తక్కువ రోగనిరోధక శక్తి కారణంగా పిల్లలలో ఇటువంటి అంటువ్యాధులు సంభవిస్తాయి.

ఎలా రక్షించాలి..?

ఆస్తమా లక్షణాలు ఉన్న పిల్లలను వెంటనే వైద్యుని వద్దకు తీసుకెళ్లాలి. ఇలాంటి పిల్లలకు ఆహారాన్ని నివారించాలి. ఫాస్ట్ ఫుడ్ లేదా ఎలాంటి వేయించిన ఆహారాన్ని ఇవ్వకూడదు. దుమ్ము, కాలుష్యం నుంచి పిల్లలను రక్షించండి. బయటకు వెళ్లేటప్పుడు మాస్క్ ధరించాలని సూచించండి. ఇప్పటికే ఆస్తమా ఉన్న పిల్లలపై ప్రత్యేక శ్రద్ధ వహించాలి. ఇప్పుడు వారి లక్షణాలు మరింత పెరుగుతాయి. అప్పుడు వారికి ఇన్‌హేలర్‌ను ఇచ్చి సకాలంలో మందులు అందిస్తూ ఉండాలి.