Health Tips: కిడ్నీ ఫెయిల్యూర్‌ అయితే అంతే సంగతులు.. ఈ తప్పులు అస్సలు చేయవద్దు..!

Health Tips: శరీరంలోని ప్రధాన అవయవాలలో కిడ్నీలు ఒకటి. వీటిని జాగ్రత్తగా చూసుకోకపోతే చాలా నష్టం జరుగుతుంది. సాధారణంగా మధుమేహం, గుండె జబ్బులు, అధిక రక్తపోటు కారణంగా మూత్రపిండాలు దెబ్బతింటాయి. ఆరోగ్యకరమైన మూత్రపిండాలలో అల్బుమిన్ అనే ప్రోటీన్ ఉంటుంది. మూత్రపిండాలు శరీరంలోని ద్రవాలను ఫిల్టర్ చేస్తాయి. ఈ పని ఆగిపోతే మనిషి బతకడం చాలా కష్టమవుతుంది. కిడ్నీ ఆరోగ్యాన్ని కాపాడుకోవాలంటే శరీరంలో సరైన మొత్తంలో నీటిని ఉంచడం అవసరం. ఇది కిడ్నీ సంబంధిత వ్యాధుల ప్రమాదాన్ని తగ్గిస్తుంది. కిడ్నీ ఫెయిల్యూర్ నుంచి ఎలా బయటపడాలో ఈరోజు తెలుసుకుందాం.

ముందుగా మిమ్మల్ని మీరు ఆరోగ్యంగా ఉంచుకోండి. శారీరక శ్రమ చేయండి. రక్తపోటును కంట్రోల్‌లో ఉంచుకోండి. డయాబెటిక్ పేషెంట్లకు ఎక్కువ ప్రమాదం ఉన్నందున చక్కెర స్థాయిని అదుపులో ఉంచుకోండి. రోజువారీ ఆహారంలో ఆరోగ్యకరమైన ఆహారాన్ని మాత్రమే తినండి. ఇది ఆరోగ్యానికి ప్రాథమిక మంత్రమని గుర్తుంచుకోండి. ఆరోగ్య నిపుణుల అభిప్రాయం ప్రకారం ప్రతిరోజూ 2 నుంచి 3 లీటర్ల నీరు తప్పనిసరిగా తాగాలి.

బరువు పెరగనివ్వవద్దు. వీలైనంత వరకు పొట్ట తగ్గించాలి. కొవ్వును తగ్గించడానికి ప్రయత్నించండి. రోజువారీ ఉప్పును నియంత్రించండి. ఎందుకంటే ఇది బిపిని పెంచుతుంది. వైద్యుల ప్రకారం రోజుకు 4 గ్రాముల ఉప్పు మాత్రమే తినాలని గుర్తుంచుకోండి. క్షీణిస్తున్న జీవనశైలిని మార్చుకోండి. సరైన దినచర్యను అనుసరించండి. తాజా ఆహారాన్ని తినడానికి ప్రయత్నించండి. సిగరెట్, బీడీ, హుక్కా నివారించండి. కొన్ని మందులు కిడ్నీకి హాని చేస్తాయి. కాబట్టి వైద్యుడి సలహా మేరకు పాటించండి. కిడ్నీ దెబ్బతినడానికి మద్యపానం ప్రధాన కారణం. ఈ వ్యసనాన్ని తప్పకుండా వదిలివేయడం ఉత్తమం.