వర్షాకాలంలో పాములే కాదు... ఇంట్లోకి వచ్చే ఈ పురుగులు మరింత ప్రమాదకరం!

తెలుగు రాష్ట్రాల్లో వర్షాలు జోరుగా పడుతున్న వేళ తేమతో కూడిన వాతావరణం ఏర్పడుతోంది. ఈ పరిస్థితుల్లో పాములు మాత్రమే కాదు.. మరికొన్ని డేంజరస్ పురుగులు కూడా మన ఇళ్లలోకి ప్రవేశిస్తున్నాయి. నిపుణుల హెచ్చరికల ప్రకారం, ఈ కీటకాలు ఆరోగ్యానికి తీవ్ర ప్రమాదం కలిగించవచ్చని అంటున్నారు.

వీటిని నివారించడానికి కొన్ని సులభమైన ఇంటి చిట్కాలు పాటిస్తే ప్రమాదాలను తగ్గించుకోవచ్చు. పాములు, తేలు, ముద్దు పురుగులు, కాళ్ల జెర్రీలు, దోమలు, బొద్దింకల నుంచి ఇంటిని రక్షించుకోవడం ఎలా అనేదే ఇప్పుడు చూస్తాం.

పాములు ఎందుకు వస్తాయంటే?

వర్షాల్లో పాముల నివాస ప్రాంతాలు నీటితో నిండిపోవడంతో అవి వెచ్చదనం కోసం ఇళ్లలోకి వస్తుంటాయి. వాటిలో కొన్ని మాత్రమే విషపూరితమైనవైనా, జాగ్రత్తలు తీసుకోవాల్సిన అవసరం ఉంటుంది.

జాగ్రత్తలు:

గోడల రంధ్రాలు మూసేయాలి.

తలుపులు, కిటికీలకు మెష్‌లు వేయాలి.

లవంగాల స్ప్రే, మిరియాల పొడి చల్లడం ద్వారా పాములను దూరంగా ఉంచవచ్చు.

ఇంట్లో బంతి మొక్క, స్నేక్ ప్లాంట్, లావెండర్ మొక్కలు పెంచడం వల్ల ఫలితం ఉంటుంది.

ముద్దు పురుగు (కిస్సింగ్ బగ్) ప్రమాదం

ఈ పురుగు రాత్రి సమయంలో నిద్రిస్తున్న వారిని పెదాల చుట్టూ కుడుతుంది. ఫలితంగా వాపు, మంట, ఇన్ఫెక్షన్ వస్తాయి.

చిట్కాలు:

తలుపులు, కిటికీలకు మెష్‌లను అమర్చాలి.

ఇంట్లో తడి తగ్గించి వెలుతురు ఉండేలా చూసుకోవాలి.

గోడల పగుళ్లు మూసివేయాలి.

కాళ్ల జెర్రీలు

ఈ పురుగులు బాత్రూములు, వంటగదుల్లో ఎక్కువగా కనిపిస్తాయి. కుడితే చర్మంపై దురద, మంట వంటి సమస్యలు కలిగించవచ్చు.

నివారణ మార్గాలు:

ఇంటిని ఎప్పటికప్పుడు పొడిగా ఉంచాలి.

బోరిక్ పౌడర్ లేదా వేప నూనె చల్లాలి.

తడి ప్రాంతాలను తరచూ శుభ్రం చేయాలి.

తేలు – పొడిగా ఉంచేలా చూడండి

తేలు కాటు తీవ్రమైన నొప్పి కలిగించడమే కాక, కొన్ని రకాల తేళ్లు ప్రాణాంతకమవుతాయి.

తేలు నివారణకు:

చెక్కలు, రాళ్లు వంటి వస్తువులను ఇంటి వద్ద పెట్టకుండా చూసుకోండి.

గోడల్లో రంధ్రాలు మూసివేయండి.

రాత్రి సమయంలో టార్చ్ లైట్ ఉపయోగించండి.

దోమల దాడి నుంచి రక్షణ

దోమల వల్ల డెంగ్యూ, మలేరియా వంటి వ్యాధులు వ్యాపిస్తాయి. వీటి కాటు వల్ల ప్రాణాలు కోల్పోతున్న ఉదాహరణలు గణనీయంగా ఉన్నాయి.

సురక్షిత చిట్కాలు:

ఇంటి చుట్టూ నీరు నిల్వ లేకుండా చూసుకోవాలి.

సాయంత్రం కిటికీలు, తలుపులు మూసివేయాలి.

కర్పూరం, బిర్యానీ ఆకుల పొగ వాడాలి.

లవంగాల స్ప్రే వాడటం వల్ల దోమలు దూరంగా ఉంటాయి.

బొద్దింకలు – చిన్నవి కానీ ప్రమాదకరం

బొద్దింకలు ఇన్ఫెక్షన్లు కలిగించే బ్యాక్టీరియాను కలిగి ఉంటాయి. ఇవి ఆహార వస్తువులపై తిరుగుతూ వ్యాధులను వ్యాపింపజేస్తాయి.

బొద్దింకల నివారణకు:

ఇంటిని ఎప్పటికప్పుడు క్లీన్ చేయాలి.

బిర్యానీ ఆకుల పేస్ట్, వేప నూనె, కర్పూరం వంటి ఇంటి చిట్కాలు వాడాలి.

తుడిచే నీటిలో వీటిని కలిపి ఇంటిని తుడవడం వల్ల బొద్దింకలు దూరం అవుతాయి.

మొత్తం మీద, వర్షాకాలంలో పాములు మాత్రమే కాదు.. అనేకరకాల ప్రమాదకర పురుగులు మన ఇళ్లలోకి ప్రవేశించే అవకాశం ఉంటుంది. వీటి నివారణకు సరైన జాగ్రత్తలు తీసుకోవడం అత్యంత అవసరం అని నిపుణులు హెచ్చరిస్తున్నారు.

గమనిక: ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. hmtv ఈ విషయాల్ని ధృవీకరించడం లేదు. ఖచ్చితత్వం, ప్రభావానికి hmtv బాధ్యత వహించదు.