Potassium Levels: శరీరంలో పొటాషియం లోపిస్తే ఈ పనులన్నీ ఆగిపోతాయి.. అవేంటంటే..?

Potassium Levels: శరీరం సక్రమంగా నడవడానికి అనేక రకాల విటమిన్లు, ఖనిజాలు, పోషకాలు అవసరమవుతాయి. అందులో ఒకటి పొటాషియం. ఇది లోపిస్తే బాడీలో చాలా పనులు ఆగిపోతాయి. పొటాషియం రక్తపోటును నియంత్రించడం, స్ట్రోక్, ఎముక సమస్యలు, మూత్రపిండాల్లో రాళ్ల నివారణ, కండరాల బలహీనత మొదలైన సమస్యలను కంట్రోల్‌ చేస్తుంది.

శరీరానికి పొటాషియం ఎందుకు అవసరం?

పొటాషియం ఒక ఎలక్ట్రోలైట్. శరీరంలో పొటాషియం లోపాన్ని హైపోకలేమియా అని కూడా పిలుస్తారు. ఇది కండరాల తిమ్మిరి, అలసట, గుండె దడ వంటి సమస్యలకు దారితీస్తుంది.19 ఏళ్లు, అంతకంటే ఎక్కువ వయస్సు ఉన్న మహిళలకు ప్రతిరోజూ 2,600 mg పొటాషియం అవసరం.

పొటాషియం నాడీ కణాల మధ్య సమన్వయానికి కారణం అవుతుంది. సాధారణ కండరాల పనితీరుకు పొటాషియం అవసరం. ఇది కండరాల సంకోచాలను నియంత్రించడంలో సహాయం చేస్తుంది. పొటాషియం కణాల వెలుపల ద్రవాల సమతుల్యతను కాపాడుతుంది. సాధారణ హృదయ స్పందనను నిర్వహించడానికి పొటాషియం కీలక పాత్ర పోషిస్తుంది. శరీరంలో పొటాషియం స్థాయిలను పెంచే కొన్ని రకాల ఆహారాల గురించి తెలుసుకుందాం.

అరటి ఒక అనుకూలమైన, ప్రసిద్ధ పొటాషియం మూలం. పొటాషియం అధికంగా ఉండే అరటిపండు రోజూ తీసుకోవడం ముఖ్యం. చిలగడదుంపలను సైడ్ డిష్‌గా తీసుకోవచ్చు. బచ్చలికూర సలాడ్లు, ఆమ్లెట్లు కూడా తీసుకోవచ్చు. విటమిన్ సితో పాటు, కమల పండ్లు మంచి పొటాషియం మూలం. అవోకాడోను తీసుకోవడం వల్ల పొటాషియం అందుతుంది. పొటాషియం లోపంతో బాధపడుతున్న వ్యక్తులకు డాక్టర్లు పొటాషియం సప్లిమెంట్లను సూచిస్తారు.