logo
లైఫ్ స్టైల్

ఉప్మారవ్వ చాలాకాలం నిల్వ ఉంటే పురుగు పడుతుంది.. సులువుగా ఇలా తొలగించండి..

ఉప్మారవ్వ చాలాకాలం నిల్వ ఉంటే పురుగు పడుతుంది.. సులువుగా ఇలా తొలగించండి..
X
Highlights

వంటకు ఉపయోగించే ఏ వస్తువులైనా చాలా కాలం నిల్వ ఉంచితే పురుగు పడుతుంది

Semolina: వంటకు ఉపయోగించే ఏ వస్తువులైనా చాలా కాలం నిల్వ ఉంచితే పురుగు పడుతుంది. దీంతో పాడైపోతాయి. ఉప్మారవ్వ కూడా అంతే. చాలాకాలం పాటు వాడకుండా పక్కన పెడితే పురుగు పడుతుంది. అప్పుడు దీనిని వంటగది నుంచి తీసి పారేస్తారు. అయితే మీరు సరిగ్గా నిల్వ చేస్తే ఇది జరగదు. పురుగు కూడా పట్టదు. ఒకవేళ పురుగు పట్టినా దానిని సులువుగా ఎలా తొలగించాలో ఈ రోజు తెలుసుకుందాం.

1. రవ్వలో తెల్లటి పురుగులు కనిపిస్తే మొదట దానిని ఫిల్టర్ చేసి ఆపై ఎండలో పెట్టాలి. జల్లెడలోనే చాలా కీటకాలు వేరు చేయబడినప్పటికీ ఎండలో పెట్టడం వల్ల మిగిలిన కీటకాలు కూడా బయటకు వస్తాయి. ఇంకో విషయం ఏంటంటే రవ్వని ఎండలో ఉంచిన తర్వాత మధ్యమధ్యలో చేతులతో కలుపుతూ ఉంటే ఎండ వేడిమికి క్రిములు పారిపోతాయి. తర్వాత రవ్వని మళ్లీ జల్లెడ పడితే క్లీన్‌గా ఉంటుంది.

2. రవ్వని కీటకాల నుంచి కాపాడాలంటే కొన్ని వేప ఆకులను ఉపయోగిస్తే మంచిది. వేప ఆకుల్లో తేమ లేకుండా చూసుకోవాలి. కంటైనర్‌లో 10 నుంచి 12 వేప ఆకులను ఉంచాలి.

3. రవ్వ నుంచి పురుగులను తొలగించడానికి కర్పూరం సూపర్‌గా పనిచేస్తుంది. దీని కోసం ముందుగా రవ్వని జల్లెడ పట్టాలి. దానిని వార్తాపత్రికపై వేసి కర్పూరం ముక్కలను కలపాలి. కర్పూరం వాసనకు క్రిములు పారిపోతాయి.

4. రవ్వని గాజుతో తయారు చేసిన ఎయిర్ టైట్ బాక్స్‌లో ఉంచడానికి ప్రయత్నించండి. ఇందులోకి గాలి వెళ్లకూడదు. ఇలా ఉంచేటప్పుడు పెట్టెలో తేమ లేకుండా చూసుకోవాలి. లేదంటే పురుగులు మళ్లీ వస్తాయి.

Web TitleIf Semolina is Stored for a Long Time Bugs will Reach it Remove it Easily Like This
Next Story