Weight Loss: ఆరోగ్యానికి మంచిదని అతిగా చపాతీలు లాగిస్తున్నారా.. ఈ సమస్యలు చుట్టుముట్టినట్లే.. రోజులో ఎన్ని తినాలంటే?

Health Tips: అన్నం లాగే, రోటీ కూడా మన రోజువారీ ఆహారంలో ముఖ్యమైన భాగంగా మారింది. బ్రెడ్, చపాతీ, పరాటా, ఫుల్కా, తవా రోటీ, తందూరీ రోటీ, రుమాలీ రోటీ, ఖమీరీ రోటీ ఇలా ఎన్నో రకాలైన రోటీలను మనం తింటుంటాం. ముఖ్యంగా బరువు తగ్గడానికి ప్రయత్నించే వ్యక్తులు అన్నంకి బదులుగా రోటీని ఎక్కువగా తీసుకుంటుంటారు. అయితే, ప్రతిదానికీ ఒక పరిమితి ఉంటుందని గుర్తుంచుకోవాలి. ఎక్కువగా తీసుకోవడం వల్ల చాలా ప్రమాదమని తెలుసుకోవాలి. ఎక్కువ రొట్టెలు తినడం ఎందుకు మంచిది కాదు.. అసలు ఒక రోజులో ఎన్ని చపాతీలు తినవచ్చో తెలుసుకుందాం.

రోజులో ఎన్ని టీలు తినాలి?

బరువు తగ్గించుకునే ప్రక్రియలో ఉన్నవారు రోటీని తినడానికి కూడా ఒక పరిమితిని పెట్టుకోవాలి. ఆరోగ్యకరమైన మగవారు ఒక రోజులో సుమారు 1700 కేలరీలు తీసుకోవాలి. దీని ప్రకారం రెండు భోజనాల మధ్య 3 రొట్టెలు తినవచ్చు. మరోవైపు, మహిళల గురించి మాట్లాడితే, వారు రోజుకు 1400 కేలరీలు తీసుకోవాలి. దీని ప్రకారం రెండు భోజనాల మధ్య 2 రోటీలు తినవచ్చు. దీని వల్ల బరువు మెయింటైన్ చేయడం సులభం అవుతుంది.

చపాతీలు తినే వారు ఈ జాగ్రత్తలు తీసుకోవాలి..

అన్నం కంటే బ్రెడ్ కొంచెం ఆరోగ్యకరం అని చెబుతుంటారు. ఈ ఆహారం జీర్ణం కావడానికి ఎక్కువ సమయం పడుతుంది. అలాంటి పరిస్థితుల్లో మీరు కొన్ని జాగ్రత్తలు తీసుకోకపోతే, మలబద్ధకం, అజీర్ణం, గ్యాస్ వంటి సమస్యలు ఏర్పడతాయి. ఇటువంటి పరిస్థితిలో, మీరు రాత్రిపూట రోటీ తింటే తప్పనిసరిగా 15 నుంచి 20 నిమిషాలు నడవాలి. ఇలా చేయడం ద్వారా జీర్ణక్రియ సరిగ్గా ఉంటుంది. కొంతమంది రాత్రి భోజనంలో రోటీ తిన్న వెంటనే నిద్రలోకి జారుకుంటారు. ఇది సరైన పద్ధతి కాదు. ఆహారం తీసుకున్న ఒక గంట తర్వాత మాత్రమే నిద్ర పోవడం చాలా మంచిది.

వీలైనంత త్వరగా బరువు తగ్గాలనుకుంటే, గోధుమలకు బదులుగా మల్టీ గ్రెయిన్ రోటీలను తినాలి. ఇందులో మొక్కజొన్న, జొన్న, రాగులు, మిల్లెట్ వంటి వాటితో చేసిన చపాతీలు తీసుకోవచ్చు. ఇందులో అధిక మొత్తంలో ఫైబర్ కలిగి ఉంటుంది. ఇది తినడం వల్ల ఎక్కువ కాలం ఆకలి ఉండదు. దీని వల్ల ఎక్కువగా తినడం తగ్గుతుంది. దీంతో బరువును కంట్రోల్ చేసుకోవచ్చు.