Women Health: గర్భిణులకు అలర్ట్‌.. చలికాలంలో ఈ విషయాల పట్ల జాగ్రత్త అవసరం..!

Women Health: అమ్మకావాలని ప్రతి మహిళ కోరుకుంటుంది. జీవితంలో వారికిది మరుపురాని క్షణం. కాన్నీ గర్భం దాల్చినప్పటి నుంచి చాలా ఆరోగ్య సమస్యలను ఎదుర్కోవాల్సి ఉంటుంది. చలికాలంలో అయితే మరీ ఎక్కువ ఇబ్బందిపడాల్సి ఉంటుంది. ప్రెగ్నెన్సీ సమయంలో బీపీ, బ్లడ్ షుగర్, కాళ్ల వాపు, దురద, వాంతులు ఇలా ఎన్నో సమస్యలు ఎదురవుతాయి. శరీరంలో వచ్చే అనేక మార్పుల వల్ల ఈ సమస్యలు వస్తాయి. కాబట్టి ఈ సమయంలో తీసుకునే జాగ్రత్తల గురించి ఈ రోజు తెలుసుకుందాం.

శీతాకాలంలో గర్భిణులు జలుబు, దగ్గు వంటి వ్యాధులకు దూరంగా ఉండాలి. ఇందుకోసం ఆహారంపై శ్రద్ధ పెట్టాలి. పొరపాటున కూడా చల్లని పదార్థాలు తినవద్దు. ఇది జలుబు దగ్గుకు కారణం అవుతుంది. వేడి పాలు, సీజనల్ పండ్లు, గింజలు, ఇంటి ఆహారాన్ని ఎక్కువగా తీసుకోవాలి. ఉదయం, మధ్యాహ్నం పండ్లు తినండి. టీకి బదులుగా వేడి పాలు తాగాలి. ఉడికించిన గుడ్డు, చీజ్, గింజలు ఆరోగ్యానికి మేలు చేస్తాయి.

జలుబు నుండి రక్షణ

గర్భధారణ సమయంలో స్త్రీకి రోగనిరోధక శక్తి తగ్గిపోతుంది. అందుకే చలి నుంచి రక్షించుకోవడం చాలా ముఖ్యం. చల్లటి నీటితో స్నానం చేయవద్దు. చలి నుంచి మిమ్మల్ని మీరు రక్షించుకోండి. తల, చేతులు, కాళ్లను అలసిపోనివ్వద్దు. దగ్గు నుంచి మిమ్మల్ని మీరు కాపాడుకోవాలి. అధిక దగ్గు కడుపుపై ఒత్తిడిని కలిగిస్తుంది. నొప్పిని కలిగించే కండరాలను సాగదీస్తుంది. కాబట్టి గోరువెచ్చని నీటితో తేనెను తీసుకోవాలి.

బీపీని అదుపులో ఉంచుకోవాలి

చలి వల్ల సామాన్యుల రక్తపోటు పెరుగుతుంది. గర్భిణీలు రక్తపోటును అదుపులో ఉంచుకోవాలి. వైద్యుల సూచనలను అనుసరించాలి. బ్లడ్ షుగర్ పెరగనివ్వవద్దు. అది డెలివరీని ప్రభావితం చేస్తుంది. చలికాలంలో పాదాలలో వాపు రావడం సర్వసాధారణం. గర్భధారణ సమయంలో స్త్రీలకు తరచుగా పాదాలలో వాపులు వస్తాయి. నివారించడానికి పాదాలను గోరువెచ్చని నీటితో కడగాలి. నూనెతో సున్నితంగా మసాజ్ చేయాలి.