Green Card: అమెరికాలో రోజుకో కొత్త రూల్స్ తెస్తున్న ట్రంప్.. ఉద్యోగాలు కోల్పోతున్న భారతీయులు

Green Card: రోజుకో కొత్త రూల్స్‌తో ఇటు విద్యార్దులు, అటు ఉద్యోగులపై అమెరికా అధ్యక్షుడు డోనాల్డ్ ట్రంప్ ఉక్కుపాదం బిగించారు. గ్రీన్ కార్డుకు రెడ్ కార్డ్ చూపుతున్నారు. వర్క్ పర్మిట్ అయిపోయిన వారంతా ఉద్యోగాలు కోల్పోతున్నారు. దీంతో భారతీయులతో పాటు అమెరికా సంస్థలు కూడా ఇబ్బందులు పడుతున్నారు.

అమెరికా అధ్యక్షుడు డోనాల్డ్ ట్రంప్ మరొక కొత్త రూల్స్ తీసుకొచ్చారు. ఈ రూల్స్‌ కారణంగా ఇప్పుడు భారీ సంఖ్యలో భారతీయులు తమ ఉద్యోగాలను కోల్పోతున్నారు. గ్రీన్ కార్డు ధరఖాస్తు చేసుకున్నవారికి ఈ కొత్తరూల్స్ చుక్కలు చూపిస్తున్నాయి.

అమెరికాలో డోనాల్డ్ ట్రంప్ భారతీయులకు చుక్కలు చూపిస్తున్నాడు. గ్రీన్ కార్డుకు దరఖాస్తు చేసుకున్నవారు తెగ ఇబ్బందులు పెడుతున్నారు. ఎందుకంటే ప్రాసిసింగ్ త్రీవ్య జాప్యం జరుగుతుంది. దీంతో భారతీయులు చాలా ఇబ్బందులు పడుతున్నారు.

ప్రస్తుతం అమెరికాలో ఇమిగ్రేషన్ బ్యాక్‌లాగ్‌లో కోటి 13 లక్షలు దరఖాస్తులు ఉన్నాయి. ఈ స్థాయిలో పెండింగ్‌లో ఉండటం ఇదే మొదటిసారి కావడంతో రికార్డ్ అయింది. ఇటీవల అమెరికా సీఐఎస్ ప్రచురించిన డేటా షీట్ ప్రకారం చూస్తే ఇక ఈ ఏడాది రెండో త్రైమాసికంలో మరో 16 లక్షల కొత్త దరఖాస్తులు వచ్చి చేరనున్నాయి. ఇక రెండో త్రైమాసికంలో ప్రాసెస్ చేసిన దరఖాస్తుల సంఖ్య కూడా తగ్గింది. గతేడాది 3.3 మిలియన్లు చేయగా, ఈ సారి 2.7 మిలియన్లకే పరిమితమైంది. ఇక గ్రీన్ కార్డ్ దరఖాస్తుదారులు వాడే ఫారమ్ ఐ–90 సగటు వెయింటింగ్ టైమ్ 0.8 నెలల నుంచి 8 నెలలకు చేరింది. ఫారం ఐ–765ల్లో దాదాపు 2 మిలియన్ల దరఖాస్తులు పెండింగ్‌లో ఉన్నాయని రికార్డులు చెబుతున్నాయి.

అమెరికా అధ్యక్షుడా ట్రంప్ పదవి అందుకున్నప్పటి నుంచి ఆ దేశంలో ఉన్న భారతీయులందరికీ చుక్కలు చూపిస్తున్నారు. గ్రీన్ కార్డులు, వీసాల జారీ, వలస పోవడం కష్టతరంగా మారింది. అయితే వీటిల్లో వీసాలు, గ్రీన్ కార్డులు జారీలో జాప్యం వల్ల ఇప్పుడు ఆ దేశ కార్పొరేట్ రంగంపై దుష్పభావం చూపడం మొదలుపెట్టింది. వివిధ రంగాల్లోని సీనియర్ ఎగ్జిక్యూటివ్‌లు, లీడర్ల వర్క్ పర్మిట్‌లు ముగియడం వాటి పునరుద్దరణ వెంటనే జరగకపోవంతో వారు పోస్టుల నుంచి వైదొలగాల్సి వస్తోంది.

అన్నింటికంటే ముఖ్యంగా గ్రీన్ కార్డుల విషయంలో ఎక్కువ జాప్యం జరుగుతోంది. సక్రమమార్గంలో దేశంలోకి వచ్చి కొన్నేళ్లుగా వివిధ కంపెనీల్లో పనిచేస్తున్నవారు కూడా వెళ్లిపోయేటట్టు చేస్తోంది. మరి ఈ విషయంలో ట్రంప్ సర్కారు ఏం చేస్తుందో వేచి చూడాలి.