అమెరికాలోని స్కూల్‌లో కాల్పుల కలకలం.. ముగ్గురు మృతి.. మరో 8 మంది...

US Gunfire: అమెరికాలో కాల్పుల కలకలం రేగింది. ఓ స్కూల్‌లోకి చొరబడిన దుండగుడు జరిపిన కాల్పుల్లో ముగ్గురు విద్యార్ధులు మరణించారు. వీరిలో ఇద్దరు అమ్మాయిలు ఉన్నారు. మరో 8 మంది గాయపడ్డారు. మిచిగాన్‌ రాష్ట్రంలోని డెట్రాయిట్‌కు 48 కిలోమీటర్ల దూరంలోని ఆక్స్‌ఫర్డ్‌లో ఉన్న హైస్కూల్‌లో ఈ ఘటన చోటుచేసుకుంది.

దుండగుడి కాల్పుల్లో గాయపడిన వారిలో ఓ టీచర్‌ కూడా ఉన్నట్టు తెలుస్తోంది. ఘటనా స్థలానికి చేరుకున్న పోలీసులు అనుమానితుడైన ఓ కుర్రాడిని అదుపులోకి తీసుకున్నారు. అతడి నుంచి హ్యాండ్‌గన్‌ను స్వాధీనం చేసుకున్నారు. నిందితుడు 15 నుంచి 20 రౌండ్ల వరకు కాల్పులు జరిపినట్టు పోలీసులు గుర్తించారు.