Right Sleeping Position : బోర్లా పడుకుంటే ఏమవుతుందో తెలుసా? షాకింగ్ విషయాలు!

మంచి నిద్ర కోసం పగటిపూట శ్రమించడం చాలా అవసరం. రోజంతా బద్ధకంగా ఉండటం, శ్రమ చేయకపోవడం రాత్రిపూట నిద్రకు ఆటంకం కలిగిస్తుంది. ఇది నిద్రలేమి సమస్యతో పాటు అనేక ఇతర వ్యాధులకు కూడా కారణం కావచ్చు. నిద్రలేమి కారణంగా నిద్రపోయే భంగిమలో కూడా మార్పులు రావచ్చు. నిద్రపోయే భంగిమలో మార్పులు గురక, వెన్ను, మెడ నొప్పి, సర్వైకల్ స్పాండిలోసిస్, జీర్ణ సంబంధిత సమస్యలకు దారితీయవచ్చు.

మంచి నిద్ర కోసం ఏం చేయాలి?

మంచి నిద్ర కోసం పడుకునే స్థలం లేదా గది శుభ్రంగా, దుర్వాసన లేకుండా ఉండాలి. మంచి, గాఢమైన నిద్ర పట్టాలంటే రోజుకు కనీసం 40 నిమిషాలు వ్యాయామం చేయాలి. అది సాధ్యం కాకపోతే, రోజంతా కనీసం 3000 అడుగులు నడవాలి. సమతుల్య ఆహారంతో పాటు తగినంత నీరు త్రాగాలి. రాత్రి భోజనంలో ఎక్కువ మసాలాలు, వేయించిన ఆహారాలు తీసుకోకూడదు.

నిద్రపోయే భంగిమలు, వాటి ప్రభావాలు:

* వెల్లకిలా పడుకోవడం: దీని వల్ల గురక సమస్య పెరగవచ్చు.

* బోర్లా పడుకోవడం: దీని వల్ల గురక తగ్గుతుంది కానీ.. మెడ,వెన్ను నొప్పి వస్తుంది.

* కుడివైపు తిరిగి పడుకోవడం: ఇది అసిడిటీ సమస్యను పెంచుతుంది. కొన్నిసార్లు నిద్రపోతున్నప్పుడు యాసిడ్ గొంతు వరకు రావచ్చు. అయితే కొన్ని సందర్భాల్లో వైద్యులు ఈ భంగిమలో పడుకోమని సలహా ఇస్తారు.

* ఎడమవైపు తిరిగి పడుకోవడం: నిపుణుల అభిప్రాయం ప్రకారం ఇది నిద్రించడానికి బెస్ట్ పొజిషన్