టెట్ అభ్యర్థులకు అలర్ట్.. పరీక్ష వాయిదాపై మంత్రి సబితా కీలక ప్రకటన

TS TET Exam: తెలంగాణలో జూన్‌ 12న టెట్‌ ఎగ్జామ్ జరగనుంది. దీనికి సంబంధించిన ఏర్పాట్లలో తల మునకలయ్యారు సంబంధిత అధికారులు. అయితేఅదే రోజు ఆర్ఆర్‌బీ రైల్వే ఎగ్జామ్‌ కూడా ఉంది. దీంతో పలువురు అభ్యర్థులకు ఇబ్బందిగా మారింది. టెట్‌ను వాయిదా వేయాలని మంత్రి కేటీఆర్‌కు ఓ అభ్యర్థి ట్విటర్‌ ద్వారా విజ్ఞప్తి చేశారు. దీంతో కేటీఆర్‌ ఆ ట్వీట్‌ను విద్యాశాఖ మంత్రి సబితా ఇంద్రారెడ్డికి ఫార్వర్డ్‌ చేశారు. అయితే మంత్రి సబితారెడ్డి ఈ అంశంపై స్పందించారు. ప్రస్తుత పరిస్థితుల్లో టెట్ వాయిదా వేయడం కుదరదని స్పష్టం చేశారు. అన్ని అంశాలను, ఇతర పోటీ పరీక్షలను పరిగణనలోకి తీసుకున్నాకే టెట్‌ పరీక్షపై నిర్ణయం తీసుకున్నాం అని తెలిపారు. కాగా జూన్‌ 12న తెలంగాణలో టెట్‌ పరీక్ష జరగనుంది.