మత గురువుకు శిష్యురాళ్ల దేహశుద్ధి

ఉత్తర ప్రదేశ్‌లోని మథురలో మత గురువుకు శిష్యురాళ్లు దేహశుద్ధి చేశారు. ఆశ్రమం నుంచి గురువును బంధువుల సాయంతో జట్టు పట్టుకుని బయటకు లాక్కొచ్చారు. అర్ధనగ్నం చేసి లాఠీలతో చితకబాదారు. భగవద్గీత నేర్పిస్తానని శిష్యురాళ్లను లైంగిక వేధింపులకు గురి చేస్తున్నాడు కామాంధ గురువు.

మథురలో వాసుదేవ్ అనే ఈ మత గురువు భగవద్గీత బోధన క్యాంపు నిర్వహిస్తున్నారు. ఇతడి ఆశ్రమంలో పలువురు అమ్మాయిలున్నారు. మంచి విద్యా బుద్ధులు నేర్పిస్తానని మహారాష్ట్రకు చెందిన యువతిని నమ్మంచి ఆశ్రమానికి తీసుకువచ్చాడు. శిష్యురాళ్లను నిర్బంధించి వేధిస్తున్నాడు. కేవలం తల్లిదండ్రులతో తన సమక్షంలోనే మాట్లాడించేవాడు. మహారాష్ట్ర శిష్యురాలిని లైంగికంగా వేధించాడు. ఇందుకు సంబంధించిన వీడియో, ఫోటోలను రహస్యంగా తీశారు శిష్యురాళ్లు.

గురువు వాసుదేవ్ లైంగిక వేధింపులపై బాధితురాలు తల్లిదండ్రులకు ఫోన్ ద్వారా తెలిపింది. మహారాష్ట్ర నుంచి ఆమె తల్లి, మామ, సోదరుడు మథుర వచ్చారు. ఆశ్రమం నుంచి గురువు జుట్టు పట్టుకుని బయటకు ఈడ్చుకు వచ్చారు. అతడి అత్యాచారాల గురించి నిలదీసి దేహశుద్ధి చేశారు. కామాంధ గురువును బాధిత యువతులు లాఠీలతో చితకబాదారు. తర్వాత నిందితుడిపై పోలీసులకు ఫిర్యాదు చేశారు. అయ్యాగారి రాసలీలల వీడియో, ఫోటోలను అందజేశారు. పోలీసులు కేసు దర్యాప్తు చేస్తున్నారు.