మేఘాలయ సీఎంగా సంగ్మా ప్రమాణ స్వీకారం

మేఘాలయా ముఖ్యమంత్రిగా కొన్రాడ్ సంగ్మా ఇవాళ ప్రమాణ స్వీకారం చేశారు. షిల్లాంగ్‌లో ఈ కార్యక్రమం జరిగింది. కొందరు మంత్రులు కూడా ఇవాళ ప్రమాణ స్వీకారం చేశారు. సీఎంగా ప్రమాణం చేసిన సంగ్మాకు కేంద్ర హోంశాఖ మంత్రి రాజ్‌నాథ్ కంగ్రాట్స్ తెలిపారు. ఈశాన్యంలో కేవలం కాంగ్రెస్ పార్టీ మాత్రమే మనుగడ కొనసాగిస్తుందన్న వాదన ఉండేది, కానీ ఆ అభిప్రాయాన్ని బీజేపీ మార్చేసిందని ఆయన అన్నారు. కొన్రాడ్ సంగ్మాకు చెందిన ఎన్‌పీపీ పార్టీ తాజా అసెంబ్లీ ఎన్నికల్లో మొత్తం 19 సీట్లు గెలుచుకున్నారు. బీజేపీ పొత్తుతో ఆయన ప్రభుత్వాన్ని ఏర్పాటు చేశారు. కాంగ్రెస్‌కు 21 సీట్లు దక్కినా.. ఆ పార్టీ ప్రభుత్వాన్ని ఏర్పాటు చేయలేకపోయింది. మొత్తం అయిదు పార్టీలు ఎన్‌పీపీకి మద్దతు ఇస్తున్నది.