హెలీకాప్టర్‌ నుంచి జారిపడ్డ అమిత్‌షా

బీజేపీ జాతీయ అధ్యక్షుడు అమిత్‌షా హెలీకాప్టర్‌ నుంచి జారిపడ్డారు. ఆలస్యంగా వెలుగుచూసిన ఈ ఘటన మిజోరాంలో జరిగింది. మిజోరాం ఎన్నికల ప్రచారంలో భాగంగా అమిత్ షా పశ్చిమ తాయ్‌పూయ్‌ నియోజకవర్గంలోని త్లబంగ్ గ్రామానికి వెళ్లారు. అక్కడికి వచ్చిన తర్వాత హెలికాప్టర్ దిగబోయిన ఆయన.. పొరపాటున ఓ మెట్టు వదిలేశారు. దీంతో ఒక్కసారిగా నేలపై బోర్లా పడిపోయారు. అమిత్‌షాతో పాటు హెలికాప్టర్‌లో వెళ్లిన మరో వ్యక్తి ఆయనను పైకి లేపారు. అయితే ఎవరో యాదృచ్చికంగా తీస్తున్న వీడియో ఇప్పుడు సామజిక మాధ్యమాల్లో వైరల్ గా మారింది.