అందుకే ప్ర‌భాస్ అంటే చాలా ఇష్టం: న‌మిత‌

నటి నమిత మళ్లీ వార్తల్లోకి వచ్చేసింది. ఇటీవల క్లోజ్‌ఫ్రెండ్‌ వీరేంద్ర చౌదరిని మ్యారేజ్ చేసుకున్న ఆమె, ఓ ఛానెల్ ఇంటర్వ్యూ‌లో ఆసక్తికరమైన విషయాలు బయటపెట్టింది. ముఖ్యంగా ప్రభాస్ అంటే తనకు చెప్పలేనంత ఇష్టమని, ఎంత ఎత్తు ఎదిగినా ఒదిగే వ్యక్తి ఆ హీరో అని మనసులోని మాట బయటపెట్టేసింది. అందుకు ఎగ్జాంఫుల్ ‘బిల్లా’ షూటింగ్ సమయంలో కొన్ని విషయాలను రివీల్ చేసింది. ఓ స్టార్ హీరో అందరితో కలసి మెలసి వుండడం ఎవరికైనా నచ్చుతాడని చెప్పుకొచ్చింది. నేను ఆయ‌న‌తో క‌లిసి `బిల్లా` సినిమాలో న‌టించాను. ఆ సినిమా షూటింగ్ మ‌లేసియాలో జ‌రిగింది. అక్క‌డ‌కు షూటింగ్ సిబ్బంది చాలా త‌క్కువ మంది మాత్ర‌మే వ‌చ్చారు. దాంతో వారికి ప్ర‌భాస్ స‌హాయం చేసేవారు. కెమేరాలు, లైట్లు మోసేవారు, అవ‌స‌ర‌మైన‌పుడు అందించేవారు. ఓ పెద్ద హీరో అలా చేయ‌డం నాకు ఆశ్చ‌ర్యంగా అనిపించింది. అస‌లు గ‌ర్వం లేని హీరో ప్ర‌భాస్. అలాంటి మ‌నిషిని ఎవ‌రైనా ఇష్ట‌ప‌డ‌తార‌`ని న‌మిత చెప్పింది.