Zomato: పోషకాహారం కోసం.. జొమాటోలో కొత్త ఫీచర్
Zomato: పోషక విలువలతో కూడిన ఆహారాన్ని ఎంచుకునేందుకు వీలుగా జొమాటో సరికొత్త ఫీచర్ను ప్రారంభించింది.
Zomato: పోషక విలువలతో కూడిన ఆహారాన్ని ఎంచుకునేందుకు వీలుగా జొమాటో సరికొత్త ఫీచర్ను ప్రారంభించింది. 'హెల్తీమోడ్' పేరుతో తీసుకొచ్చిన ఈ ఫీచర్లో, వినియోగదారులు ఆరోగ్యకరమైన ఆహార పదార్థాలను వాటి పోషక విలువలతో కూడిన రేటింగ్ ఆధారంగా ఎంపిక చేసుకోవచ్చు. ఈ కొత్త ఫీచర్ను జొమాటో సీఈఓ దీపిందర్ గోయల్ 'ఎక్స్' (గతంలో ట్విట్టర్) ద్వారా ప్రకటించారు.
ప్రతి వంటకానికి ఓ స్కోర్
‘‘ఆరోగ్యానికి మేలు చేసే ఆహారం గురించి వినియోగదారులకు తెలియజేయాలనే లక్ష్యంతో ఈ ఫీచర్ తీసుకొచ్చాం. 'హెల్తీమోడ్'లో ప్రతి వంటకానికి ఒక స్కోర్ ఉంటుంది. ప్రొటీన్లు, కాంప్లెక్స్ కార్బ్స్, ఫైబర్, మైక్రోన్యూట్రియంట్స్ ఆధారంగా ఈ స్కోర్ 'లో' నుంచి 'సూపర్' వరకు ఉంటుంది. ప్రస్తుతానికి ఈ ఫీచర్ గురుగ్రామ్లో అందుబాటులోకి వచ్చింది. త్వరలో ఇతర నగరాలకు విస్తరిస్తాం. మా లక్ష్యం 'బెటర్ ఫుడ్ ఫర్ మోర్ పీపుల్'కు ఇది దగ్గరగా ఉంటుందని భావిస్తున్నాను’’ అని దీపిందర్ గోయల్ తెలిపారు.
Arun Chilukuri
వెబ్ జర్నలిస్ట్ గా నా కెరీర్ HMTV ద్వారా పదేళ్ల క్రితం ప్రారంభం అయింది. పదేళ్లుగా HMTV లోనే వెబ్సైట్ కు ఆర్టికల్స్ రాస్తున్నాను. దాదాపుగా అన్ని కేటగిరీల్లోనూ ముఖ్యంగా తెలంగాణ, ఆంధ్రప్రదేశ్ రాష్ట్రాల వార్తలతో పాటు వివిధ కేటగిరీల్లో అవసరాన్ని బట్టి ఆర్టికల్స్, బ్రేకింగ్ న్యూస్ ను ఇవ్వడం చేస్తున్నాను.