Aadhaar Verify: మీ ఆధార్‌తో ఏ మొబైల్ నంబర్ లింక్ చేశారు? గుర్తులేదా.. ఈజీగా తెలుసుకోండిలా..!

Aadhaar Mobile Number Verify: యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) మంగళవారం తన వెబ్‌సైట్, మొబైల్ యాప్‌లో కొత్త సదుపాయాన్ని ప్రారంభించింది. దీని సహాయంతో ప్రజలు ఆధార్‌తో లింక్ చేసిన మొబైల్ ఫోన్‌లతో ఈ-మెయిల్ IDలను సులభంగా ధృవీకరించగలరు.

కొన్ని సందర్భాల్లో, ప్రజలు తమ ఆధార్‌తో ఏ మొబైల్ నంబర్‌కు లింక్ చేయబడిందో కూడా తెలియదు. దీన్ని దృష్టిలో ఉంచుకుని, ప్రభుత్వం కొత్త చర్యలకు నాంది పలికింది.

UIDAI ఒక ప్రకటనలో, 'ఆధార్ OTP వేరే మొబైల్ నంబర్‌కు వెళితే, వారికి తెలియదని ప్రజలు ఆందోళన చెందుతుంటారు. ఇప్పుడు ఈ సదుపాయంతో, ప్రజలు తమ ఆధార్‌తో ఏ మొబైల్ లేదా ఈ-మెయిల్ ఐడీ లింక్ చేయబడిందో సులభంగా కనుగొనవచ్చు' అంటూ పేర్కొంది.

ప్రకటన ప్రకారం, ఈ సదుపాయాన్ని అధికారిక వెబ్‌సైట్ లేదా m-Aadhaar యాప్ ద్వారా 'ఇమెయిల్/మొబైల్ నంబర్' వెరిఫికేషన్ ఫీచర్‌లో పొందవచ్చు. ఈ సదుపాయం మొబైల్ నంబర్ లింక్ చేయనప్పటికీ ప్రజలకు తెలియజేస్తుంది. మొబైల్ నంబర్‌ను అప్‌డేట్ చేయడం గురించి వారికి తెలియజేస్తుంది.

అలాగూ "మొబైల్ నంబర్ ఇప్పటికే ధృవీకరించబడితే, స్క్రీన్‌పై సందేశం చూపిస్తుంది. ఆ సందేశంలో మీరు నమోదు చేసిన మొబైల్ నంబర్ ఇప్పటికే మా రికార్డుల్లో నమోదైంది అంటూ చూపిస్తుంది. ఎవరైనా ఆధార్ నంబర్ తీసుకునే సమయంలో ఇచ్చిన తన మొబైల్ నంబర్ గుర్తుకు రాకపోతే, అలాంటప్పుడు 'మై ఆధార్' పోర్టల్ లేదా mAadhaar యాప్‌లో కొత్త సౌకర్యం కింద మొబైల్ చివరి మూడు అంకెలను తనిఖీ చేయవచ్చు. UIDAI, ఇమెయిల్, మొబైల్ నంబర్‌ను ఆధార్‌తో లింక్ చేయడానికి సమీపంలోని ఆధార్ కేంద్రాన్ని సందర్శించాలి.