Money Saving Tips: జీతం వచ్చిన వెంటనే ఖాతా ఖాళీ అయిపోతుందా.. ఈ టిప్స్ పాటిస్తే.. పొదుపు చేసినట్లే..!

Investment: చాలా మంది సంపాదిస్తుంటారు. అయితే, వారు పొదుపు చేయలేకపోతుంటారు. చాలా కుటుంబాల్లో భార్యాభర్తలిద్దరూ ఉద్యోగాలు చేస్తుంటారు. కానీ, పొదుపు చేయడం మాత్రం కష్టమవుతుంది. ఇక కుటుంబంలో, భర్త మాత్రమే సంపాదిస్తున్నప్పుడు, వారికి పొదుపు చేయడం మరింత కష్టమవుతుంది. ఇలాంటి పరిస్థితుల్లో అసలు పొదుపు ఎలా చేయాలో తెలుసుకుందాం. దీని ద్వారా భార్యలు ప్రతి నెలా మంచి పొదుపు చేయవచ్చు. వారి భర్త డబ్బును ఈజీగా ఆదా చేయవచ్చు.

పొదుపు..

చాలా సార్లు భార్యలు తమ భర్తలను పొదుపు కోసం డబ్బు అడుగుతుంటారు. కానీ, పొదుపు కోసం దాచేంత డబ్బు మాత్రం దొరకడం కష్టమవుతుంది. ఇటువంటి పరిస్థితిలో భార్యలు వేరే విధంగా పొదుపు ప్రణాళికను తయారు చేసుకోవచ్చు. దాని కారణంగా వారి కుటుంబం కొద్ది మొత్తంలోనైనా పొదుపు చేయవచ్చు. దీంతో ప్రతి నెలా పొదుపు జమచేయవచ్చు. మీరు కూడా మీ భర్త జీతం నుంచి ప్రతి నెలా డబ్బును ఆదా చేయాలనుకుంటే, దాని కోసం మీరు ముందుగా ఒక ముఖ్యమైన పని చేయాలి. ఇందుకోసం మీరు బ్యాంకులో RD ఖాతాను తెరవాల్సి ఉంటుంది. ప్రతి నెలా ఆర్డీ ఖాతా ద్వారా ఖాతాలో సొమ్ము జమ అవుతుంది.

ఈ సందర్భంలో మీరు నెలకు ఎంతో కొంత మొత్తంతో ఒక సంవత్సరం వరకు RD ఖాతాను తెరవవచ్చు. అలాగే, ఈ RD ఖాతాలో ప్రతి నెలా డిపాజిట్ చేసుకోవచ్చు. మీరు దానిని ఆటో-డెబిట్ కింద మీ భర్త ఖాతాతో లింక్ చేయవచ్చు. ఈ సందర్భంలో మీరు ఎంచుకున్న తేదీలో, మొత్తం ఆటో-డెబిట్ చేయబడుతుంది. RD ఖాతాలో జమ చేయబడుతుంది.

RD ఖాతా ఆటో-డెబిట్ తేదీ మీ భర్త జీతం ఖాతాలోకి వచ్చిన తేదీ నుంచి 1-2 రోజుల తర్వాత ఉండాలని గుర్తుంచుకోవాలి. ఇటువంటి పరిస్థితిలో, జీతం వచ్చిన వెంటనే, మీ భర్త ఖాతాలో ప్రతి నెలా కొంత డబ్బును RD ఖాతాలో పెట్టుబడి పెట్టవచ్చు. సంవత్సరం చివరిలో మీరు ఇందులో జమ చేసిన మొత్తానికి మంచి వడ్డీని కూడా పొందుతారు.